Leikjaplön í knattspyrnu
Strákar 11-12 ára - Ný leikjatafla eftir riðlakeppni
Stelpur 13-14 ára - Ný leikjatafla eftir riðlakeppni
-
Keppni í knattspyrnu fer fram á Skallagrímsvelli,æfingavöllum við hann og gervigrasvelli við Grunnskólann og hefst á föstudag kl. 8:00.
-
Keppt verður í eftirfarandi aldursflokkum:
| Kvennafl. | 11-12 ára | 13-14 ára | 15-18 ára | |
| Karlafl. | 11-12 ára | 13-14 ára | 15-16 ára | 17-18 ára |
Keppnisreglur
Almennt gildir reglugerð KSÍ um miniknattspyrnu, þó með þeim undantekningum sem hér fara á eftir.
Leikvöllurinn – Stærð leikvalla og vítateiga eru löguð að aðstæðum á keppnisstað. Vítamerki er alltaf 8 m frá marklínu.
Leikskýrslur – Ekki er krafist að þátttökulið skili inn leikskýrslum.
Leiktími – allir leikir eru 2x12 mínútur.
Aukaspyrnur – allar aukaspyrnur eru óbeinar.
Úrslitakeppni – Komi til þess að staða sé jöfn að leik loknum í úrslitaleikjum verður vítaspyrnukeppni, a.m.k. þrjár spyrnur á lið.
Útbúnaður – Notkun skrúfutakka á skóm er ekki heimil.
Áhersluatriði dómara
Legghlífar – Allir keppendur skulu vera með legghlífar.
Markspyrnur – Markmanni er heimilt að kasta út eða spyrna á lofti eftir að boltinn hefur farið útaf í flokki 11-12 ára. Í öðrum flokkum skal knötturinn lagður niður og honum spyrnt úr kyrrstöðu.
Prúður leikur – Áhersla skal lögð á að leikið sé prúðmannlega og gildir það einnig um orðbragð og almenna framkomu leikmanna og liðsstjóra. Liðsstjórar og þjálfarar eru beðnir að vera vakandi fyrir að taka menn af velli í kælingu ef leikar taka að æsast.
Brjóti leikmenn af sér með alvarlega grófum hætti skal dómari vísa viðkomandi leikmanni af leikvelli og er ekki heimilt að annar leikmaður komi í staðinn.
Leiktími – Mótið er hraðmót og skal leggja áherslu á að halda tímamörk. Það þýðir að ekki er bætt við tímann þó t.d. þurfi að huga að meiddum leikmanni eða sækja bolta sem farið hefur langt útaf. Dómari skal meta viðbótartíma ef bolti glatast og langan tíma tekur að nálgast nýjan.
