31. júlí 2020

Ítarleg tilmæli yfirvalda um íþróttastarf fullorðinna

Hertar aðgerðir um takmörkun á samkomum vegna farsóttar tóku gildi í dag, föstudaginn 31. júlí og gilda þau til 13. ágúst. Hertar aðgerðir miða að því að hægja eins og unnt er á útbreiðslu COVID-19 sjúkdómsins.

Tilmæli hafa jafnframt borist frá yfirvöldum um áhrif hertra aðgerða á íþróttastarf fullorðinna (þ.e. þeirra sem eru fæddir árið 2004 og eldri).

 

Tilmælin í hnotskurn:

  1. Að gert verði hlé á æfingum og keppni í íþróttum með snertingu til 13. ágúst næstkomandi eða þar til núgildandi auglýsing um takmarkanir á samkomum fellur úr gildi. 
  2. Að æfingar og keppni í íþróttum án snertingar haldi áfram eftir því sem hægt er, að virtum reglum um fjöldatakmarkanir og nálægðarmörk skv. auglýsingu heilbrigðisráðherra.
  3. Að sameiginlegur búnaður verði sótthreinsaður milli notkunar/notenda.

 

Hertar aðgerðir sem tóku gildi í dag í hnotskurn:

  • Fjöldasamkomur, þar sem fleiri en 100 einstaklingar koma saman, eru óheimilar á gildistíma auglýsingarinnar. Reglurnar gilda jafnt um opinber rými og einkarými. Íþróttaviðburðir eru þar með taldir.

Ákvæðið um fjöldatakmörkun tekur ekki til barna sem eru fædd árið 2005 og síðar.

 

  • Skylt er að hafa a.m.k. 2 metra á milli einstaklinga sem ekki deila heimili á samkomum, öllum vinnustöðum og í allri annarri starfsemi.

Ákvæði um nálægðartakmörkun (4. grein) tekur þó ekki til barna sem eru fædd árið 2005 og síðar. 

 

Sameiginlegur búnaður, s.s. í íþróttastarfi skal sótthreinsaður milli notenda.

Ítarlegri upplýsingar á www.covid.is.

Íþrótta- og ungmennafélög eru hvött til að fara að fyrirmælum heilbrigðisyfirvalda og að viðhafa allar nauðsynlegar sóttvarnir til að sporna gegn útbreiðslu COVID-19.