I. Skipting lottótekna UMFÍ:

1. 79% til sambandsaðila.
2. 14% til UMFÍ.
3. 7% til fræðslu- og verkefnasjóðs UMFÍ, úthlutun samkvæmt reglugerð sjóðsins.

II. Skipting lottótekna sambandsaðila UMFÍ:

1. 20% er skipt jafnt samkvæmt sérstakri reglu.
2. 40% er skipt eftir íbúafjölda samkvæmt sérstakri reglu.
3. 40% er skipt eftir félagsmannafjölda samkvæmt sérstakri reglu.

III. Regla vegna jafnrar skiptingar milli sambandsaðila:

Skilyrði fyrir úthlutun hvers ár úr jafna hlutanum er að fulltrúi sambandsaðila hafi mætt á síðastliðið sambandsþing/sambandsráðsfund. Hlutur þeirra sem mæta ekki deilist á þá sambandsaðila sem mættu á síðastliðið sambandsþing/sambandsráðsfund. Að þeim skilyrðum uppfylltum er skipting sambandsaðila sem hér segir:

Einn hlutur: héraðssambönd.
30% af hlut: Keflavík íþrótta- og ungmennafélag , UMFN, UMFG, UMFF, UMFÞ og UFA.
10% af hlut: UMFÓ, USK, UMFK, Umf. Vesturhlíð og Umf. Víkverji.

IV. Regla vegna íbúarfjölda:

Félög með beina aðild að UMFÍ fá úthlutað miðað við íbúafjölda þannig að félagsmannafjöldi félags með beina aðild er margfaldaður með 1,7. Niðurstaðan er tala sem myndar íbúafjölda þeirra. Þessi reiknaði íbúafjöldi verður þó aldrei hærri en raunverulegur íbúafjöldi á félagssvæði viðkomandi félags skilgreint samkvæmt lögum þess eða skilgreindu starfssvæði þess sem sveitarfélagið setur því. Samanlagður íbúafjöldi tveggja eða fleiri félaga sem starfa innan sama sveitarfélags getur þó aldrei orðið hærri en íbúafjöldi viðkomandi sveitarfélags.

V. Regla vegna félagsmannafjölda:

Félagsmannafjöldi til grundvallar lottóúthlutun er reiknaður út einu sinni á ári og skal miðast við félagaskrá sambandsaðila 31. desember ár hvert.

VI. Aðrar forsendur fyrir úthlutun sambandsaðila:

Starfi sambandsaðili ekki samkvæmt lögum UMFÍ kemur hann ekki til greina við úthlutun. Stjórn UMFÍ skal setja vinnureglur þar að lútandi sem taki m.a. tillit til hvort haldinn hafi verið aðalfundur/ársþing og hvort starfsskýrslu og ársskýrslu hafi verið skilað til UMFÍ.

Starfsskýrslu og ársskýrslu skal skilað eigi síðar en 15. nóvember ár hvert. Uppfylli sambandsaðili ekki þessi skilyrði skal UMFÍ frysta greiðslur til viðkomandi. Greiðsla, sem hefur verið fryst í tvö ár, rennur í fræðslu- og verkefnasjóð UMFÍ og er óafturkræf. Forsendur í lottóúthlutun skal miða við 31. desember ár hvert, þ.e. íbúatölu eins og hún er staðfest af Hagstofu Íslands og félagatal eins og það liggur fyrir á sama tíma. Ekkert héraðssamband eða félag með beina aðild getur fengið hærra hlutfall en 30% af lottóúthlutuninni.

VII. Nýir sambandsaðilar: 

Reglur þessar eiga eingöngu við um þau héraðssambönd, ungmennasambönd og ungmennafélög með beina aðild sem voru aðilar að UMFÍ hinn 31. desember 2018. Aðrir sambandsaðilar að UMFÍ fá ekki úthlutað lottófé frá UMFÍ. Þegar náðst hefur samkomulag um samræmdar reglur um skiptingu lottóágóða sem gildi bæði fyrir sambandsaðila UMFÍ og ÍSÍ, skal breyta reglum þessum til samræmis við það samkomulag en til þess þarf aukinn meirihluta á Sambandsþingi UMFÍ, í samræmi við 16. grein laga UMFÍ.

VIII. Um úthlutun:

Fyrir 15. hvers mánaðar skal úthluta öllum ágóða sem borist hefur fyrir næsta mánuð á undan. Með hverri greiðslu skal fylgja skilagrein sem sýni forsendur fyrir úthlutun.

Bráðabirgðaákvæði

UMFÍ skal hafa tveggja ára aðlögunartíma til að breyta greiðslutíma sem ákveðinn er í VIII. lið reglugerðarinnar.

Samþykkt á 51. Sambandsþingi UMFÍ 2019 á Laugarbakka.

1. grein Heiti sjóðsins

Sjóðurinn heitir Fræðslu- og verkefnasjó́ður Ungmennafélags Íslands.

2. grein. Tilgangur

Tilgangur sjóðsins er að styrkja félags- og íþróttastarf ungmennafélagshreyfingarinnar í samræmi við stefnu UMFÍ, m.a. með því að auka menntun og þekkingu félaga innan hreyfingarinnar á íþróttagreinum, þjálfun í félagsmálum og félagsstarfi.

3. grein. Skipan og hlutverk stjórnar

Stjórn sjóðsins skal skipuð þremur einstaklingum og einum til vara. Stjórn UMFÍ skipar stjórn sjóðsins milli þinga. Kjörtímabil sjóðsstjórnar er samhliða kjörtímabili stjórnar UMFÍ, eða tvö ár. Verkefni sjóðsstjórnar er að úthluta fé úr sjóðnum og fylgjast með nýtingu styrkja.

Sjóðsstjórn setur sér nánari vinnureglur varðandi úthlutun.

4. grein. Fjármagn

Tekjur sjóðsins skulu vera ákveðinn hundraðshluti af lottó tekjum samkvæmt reglugerð um úthlutun lottó tekna, nú 7%, frjáls framlög einstaklinga og félaga, eigin vaxtatekjur og aðrar fjáraflanir sem henta þykja hverju sinni. Sjóðsstjórn er heimilt að leita eftir viðbótarfjármagni frá öðrum aðilum.

5. grein. Umsóknir

Úthlutun úr sjóðnum fer fram tvisvar á ári. Umsóknir skulu berast skrifstofu UMFÍ, á þar til gerðu eyðublaði. Skilafrestur umsókna er annars vegar til og með 1. maí og hins vegar til og með 1. nóvember ár hvert. Sjóðsstjórn skal úthluta úr sjóðnum í síðasta lagi mánuði eftir að umsóknarfrestur rennur út.

Fyrir hverja úthlutun skal auglýsa eftir umsóknum í sjóðinn með því að senda kynningarpóst á sambandsaðila, setja auglýsingu á vef UMFÍ og á öðrum opinberum vettvangi. Í auglýsingum eftir umsóknum í sjóðinn skal fylgja með slóð á vefsíðu UMFÍ. Þar komi fram nánari upplýsingar um sjóðinn, og yfirlit yfir þá styrkþega, styrkupphæðir og verkefni sem hafa hlotið styrk úr sjóðnum.

Sjóðsstjórn áskilur sér rétt til að afla sér nánari upplýsinga en þeirra sem fram koma á umsóknareyðublaði og leita umsagna annarra aðila. Sjóðsstjórn metur hverja umsókn til samþykktar eða synjunar. Verði umsókn samþykkt til styrkveitingar skal sjóðsstjórnin ákveða hversu háan styrk viðkomandi verkefni hlýtur. Umsækjendur geta óskað eftir rökstuðningi sjóðsstjórnar við sinni umsókn.

6. grein. Skilyrði

Rétt til umsóknar úr sjóðnum eiga sambandsaðilar UMFÍ, aðildarfélög sem eru virk í starfi og deildir innan þeirra.

Einnig eiga stjórn og nefndir UMFÍ rétt á að sækja um styrk úr sjóðunum.

Sjóðsstjórn er heimilt að veita styrki úr sjóðnum að eigin frumkvæði til verkefna sem ekki teljast til árlegra verkefna hreyfingarinnar.

Sjóðurinn styrkir ekki tækja-, áhalda- og búnaðarkaup, fundakostnað (þ.m.t. veitingar) og almennan rekstur félaga. Sjóðsstjórn er heimilt að kveða nánar á um þetta í vinnureglum sínum, sbr. 3. gr.

7. grein. Uppgjör

Öllum sem hljóta styrk úr sjóðnum er skylt að skila skýrslu til UMFÍ eftir að verkefninu lýkur, um nýtingu styrksins, fyrirkomulag, helstu efnisatriði og árangur. Skýrslunni skal einnig fylgja afrit af reikningum fyrir útlögðum kostnaði. Hafi styrkur ekki verið sóttur 24 mánuðum eftir úthlutun fellur hann niður.

8. grein. Reikningar sjóðsins

Sjóðsstjórn skal skila skýrslu til stjórnar UMFÍ þar sem m.a. er gerð grein fyrir styrkveitingum og fjárreiðum sjóðsins. Rekstrar- og efnahagsreikningur sjóðsins skal birta árlega í ársskýrslu UMFÍ, sem lögð er fram á Sambandsþingi og sambandsráðsfundi.

Það endurskoðunarfélag sem sinnir endurskoðun reikninga UMFÍ hverju sinni, er jafnframt endurskoðunarfélag sjóðsins.

9. grein. Gildistími og breytingar

Reglugerð þessari verður aðeins breytt á Sambandsþingi UMFÍ og þarf að hljóta 2/3 hluta greiddra atkvæða.

Samþykkt á 52. Sambandsþingi UMFÍ 2021 á Húsavík. Tekur gildi 1.1.2022

Samþykkt á 52. Sambandsþingi UMFÍ 2021 á Húsavík. 

1. grein. Heiti sjóðsins

Sjóðurinn heitir „Umhverfissjóður UMFÍ – Minningarsjóður Pálma Gíslasonar“ en Pálmi var formaður UMFÍ 1979–1993. Heimili og varnarþing sjóðsins er í Reykjavík. Sjóðurinn er vistaður hjá Ungmennafélagi Íslands (UMFÍ), Sigtúni 42, 105 Reykjavík. UMFÍ sér um að ávaxta sjóðinn á sem hagkvæmastan hátt.

2. grein. Tilgangur sjóðsins

Tilgangur sjóðsins er að styrkja umhverfisverkefni félaga innan ungmennafélagshreyfingarinnar. Horfa skal til verkefna er tengjast yngra fólki og verkefna sem stuðla að auknum tengslum við náttúru landsins.

Líta ber til misjafns aðgengis félaga að fjármagni til verkefna og að mótframlagi félaga heima í héraði til verkefna, auk nýjunga í umhverfisverndun og nýtingu.

3. grein. Um sjóðinn

Stofnendur sjóðsins eru fjölskylda Pálma Gíslasonar, ungmennafélagshreyfingin og aðrir velunnarar.

Höfuðstóll sjóðsins skal eigi vera lægri en 5.000.000 kr. og vera tengdur vísitölu neysluverðs í október 2015. Sjóðnum skulu tryggðar að lágmarki  1.200.000 kr. árlega sem greiddar verði af UMFÍ. Framlag UMFÍ er ákveðið í fjárhagsáætlun ár hvert. Sjóðsstjórn er heimilt að leita eftir viðbótarfjármagni frá öðrum aðilum.

4. grein. Skipan og hlutverk sjóðsins

Sjóðsstjórn skal skipuð einum fulltrúa frá fjölskyldu Pálma Gíslasonar, formanni UMFÍ og þremur fulltrúum skipuðum af stjórn UMFÍ.

Kjörtímabil sjóðsstjórnar er samhliða kjörtímabili stjórnar UMFÍ, eða tvö ár. Verkefni sjóðsstjórnar er að úthluta fé úr sjóðnum og fylgjast með nýtingu styrkja.

Sjóðsstjórn ákveður styrkupphæð hverju sinni og setur sér nánari vinnureglur varðandi úthlutun.

5. grein. Umsóknir

Úthlutað skal úr sjóðnum einu sinni á ári. Umsóknir skulu berast skrifstofu UMFÍ, á þar til gerðu eyðublaði.

Skilafrestur umsókna er til og með 15. apríl ár hvert. Sjóðsstjórn skal úthluta úr sjóðnum í síðasta lagi mánuði eftir að umsóknarfrestur rennur út. Skilyrði til styrkveitingar úr sjóðnum er að styrkþegi sé félag í UMFÍ og að verkefnið sé umhverfisverkefni.

Fyrir hverja úthlutun skal auglýsa eftir umsóknum í sjóðinn með því að senda kynningarpóst á sambandsaðila, setja auglýsingu á vef UMFÍ og á öðrum opinberum vettvangi. Í auglýsingum eftir umsóknum í sjóðinn skal fylgja með slóð á vefsíðu UMFÍ. Þar komi fram nánari upplýsingar um sjóðinn, og yfirlit yfir þá styrkþega, styrkupphæðir og verkefni sem hafa hlotið styrk úr sjóðnum.

Sjóðsstjórn áskilur sér rétt til að afla sér nánari upplýsinga en þeirra sem fram koma á umsóknareyðublaði og leita umsagna annarra aðila. Sjóðsstjórn metur hverja umsókn til samþykktar eða synjunar. Verði umsókn samþykkt til styrkveitingar skal sjóðsstjórnin ákveða hversu háan styrk viðkomandi verkefni hlýtur. Umsækjendur geta óskað eftir rökstuðningi sjóðsstjórnar við sinni umsókn.

6. grein. Skilyrði

Rétt til að sækja um styrk úr sjóðnum eiga sambandsaðilar UMFÍ, aðildarfélög sem eru virk í starfi og deildir innan þeirra. Einnig eiga stjórn og nefndir UMFÍ rétt á að sækja um styrk úr sjóðnum.

Sjóðsstjórn er heimilt að veita styrki úr sjóðnum að eigin frumkvæði til verkefna sem ekki teljast til árlegra verkefna hreyfingarinnar.

7. grein. Uppgjör

Öllum sem hljóta styrk úr sjóðnum er skylt að skila skýrslu til UMFÍ eftir að verkefninu lýkur, um nýtingu styrksins, fyrirkomulag, helstu efnisatriði og árangur. Skýrslunni skal einnig fylgja afrit af reikningum fyrir útlögðum kostnaði. Styrkir eru einungis greiddir út til félaga innan UMFÍ, ekki til einstaklinga. Hafi styrkur ekki verið sóttur 24 mánuðum eftir úthlutun fellur hann niður.

8. grein. Reikningar sjóðsins

Sjóðsstjórn skal skila skýrslu til stjórnar UMFÍ þar sem m.a. er gerð grein fyrir styrkveitingum og fjárreiðum sjóðsins. Rekstrar- og efnahagsreikning sjóðsins skal birta árlega í ársskýrslu UMFÍ, sem lögð er fram á Sambandsþingi og sambandsráðsfundi.

Það endurskoðunarfélag sem sinnir endurskoðun reikninga UMFÍ hverju sinni, er jafnframt endurskoðunarfélag sjóðsins.

9. grein. Gildistími og breytingar

Reglugerð þessi tekur þegar gildi. Breytingar á reglugerðinni þurfa að hljóta samþykki einfalds meirihluta á Sambandsþingi UMFÍ.

Samþykkt á 52. Sambandsþingi UMFÍ á Húsavík. 

1. Almennt um mótið

1.1 Unglingalandsmót UMFÍ er vímulaus fjölskylduhátíð sem haldin skal árlega um verslunarmannahelgina. Kappkosta skal að bjóða keppendum upp á fjölbreyttar íþróttagreinar, þeim og fjölskyldum þeirra upp á góðar aðstæður, heilbrigða afþreyingu og skemmtun við sem flestra hæfi. 

1.2 Markmið með mótinu er að ná til sem flestra ungmenna og stuðla að þátttöku þeirra í íþróttum og efla félagslega samkennd þeirra með heiðarleika, tillitssemi og leikgleði að leiðarljósi. Lögð skal áhersla á fjölbreytta dagskrá sem höfði jafnt til keppenda sem og annarra gesta mótsins. Gildi UMFÍ skulu höfð að leiðarljósi á mótinu og áhersla lögð á háttvísi, raunsæi og tillitssemi. 

1.3 Mótshaldari skal kappkosta að halda virðingu og hátíðleika á setningu og slitum sem séu miðaðar við unglinga, sem og önnur dagskrá mótsins. Lögð skal áhersla á fjölbreytta dagskrá sem höfði jafnt til keppenda sem og annarra gesta mótsins. 

2. Umsókn og undirbúningur

2.1 Stjórn UMFÍ skal árlega auglýsa eftir mótshöldurum meðal sambandsaðila. Tilkynna skal um val á mótsstað á Unglingalandsmóti hverju sinni með að minnsta kosti tveggja ára fyrirvara. 

2.2 Í umsókn skal tilgreina drög að þeim íþróttagreinum sem mótshaldari óskar eftir að keppt sé í. Með umsókn skal fylgja samþykki sveitarstjórnar á væntanlegum mótsstað. 

2.3. Skipa skal framkvæmdanefnd sem sér um undirbúning og framkvæmd mótsins. Nefndin skal skipuð fulltrúum frá mótshaldara, viðkomandi sveitarfélagi, stjórn og ungmennaráði UMFÍ. Falli atkvæði jöfn ræður atkvæði formanns. Æskilegt er að fulltrúi ungmenna á mótsstað starfi með nefndinni. 

2.4 UMFÍ skal gera skriflega samninga um mótið og framkvæmd þess. Samningsaðilar eru UMFÍ, mótshaldari (sambandsaðili) og viðkomandi sveitarfélag. 

2.5 UMFÍ skal, ásamt mótshaldara og viðkomandi sveitarfélagi, vinna sameiginlega að yfirbragði mótanna, m.a. með fjármögnun þeirra og kynningu. UMFÍ leggur til framkvæmdastjóra mótsins og verkefnastjóra á sinn kostnað.  

3. Þátttaka og skráning

3.1 Unglingalandsmót UMFÍ skal fara fram um verslunarmannahelgi ár hvert. Mótið skal standa í þrjá til fjóra daga Mótið skal sett á föstudagskvöldi og því slitið á sunnudegi. 

3.2 Rétt til þátttöku eiga öll ungmenni á aldrinum 11–18 ára á almanaksárinu. 

3.3 Skráningu lýkur um miðnætti síðasta sunnudag fyrir mót. Framkvæmdanefnd hefur heimild til að lengja skráningarfrest í greinum ef hún telur þörf á. 

4. Þátttökugjald

4.1 Þátttökugjald skal ákveðið af stjórn UMFÍ ásamt mótshaldara hverju sinni. 

4.2 Mótsgögn eru einungis afhent þeim sem greitt hafa skráningargjaldið. 

5. Um mótið

5.1 Kappkosta skal að bjóða öllum keppnisgreinum upp á sem bestar aðstæður til keppni og leitast við að bjóða keppendum og gestum þeirra upp á sem besta aðstöðu til dvalar og afþreyingar á mótinu. 

5.2 Mótshaldari ber ábyrgð á að útvega starfsfólk/sjálfboðaliða við allar keppnisgreinar og viðburði mótsins. 

5.3 Sambandsaðilar eru hvött til að tilnefna tengilið sem framkvæmdanefnd getur sett sig í samband við.

5.4 Mótshaldari skal sjá um ytri gæslu á tjaldsvæðum þátttakenda og jafnframt setja reglur um umgengni.

5.4 Íþróttaleikar fyrir börn 10 ára og yngri skulu vera hluti af afþreyingardagskrá mótsins þar sem allir fá viðurkenningu fyrir þátttöku án þess að um keppni sé að ræða. 

6. Íþróttakeppnin

6.1 Keppnisgreinar skulu vera fjölbreyttar og höfða til sem flestra. Ætíð skal keppt í glímu, frjálsíþróttum, knattspyrnu, körfubolta og sundi. 

6.2 Mótshaldari skal sjá til þess að keppnisaðstaða í öllum keppnisgreinum taki mið af reglum sérsambanda. Mótshaldari skal tilkynna endanlegar keppnisgreinar eigi síðar en 1. maí.

6.3 Keppt skal eftir leikreglum og aldursflokkaskiptingu viðkomandi sérsambands. Unglingalandsmótsnefnd er þó heimilt að breyta aldursskiptingu, keppnisreglum og kröfum um aðstöðu gerist þess þörf og skal það tilkynnt áður en keppni hefst samanber grein 3.2.

6.4 Endanleg tímasetning keppnisgreina skal liggja fyrir kvöldið fyrir mótsbyrjun. Skipulag keppnisgreina skal liggja fyrir eigi síðar en kvöldið fyrir keppni. 

6.5 Þrír fyrstu í hverri einstaklingsgrein hljóta verðlaun svo og einstaklingar í þremur fyrstu liðunum í flokkakeppni. 

6.6 Keppendur geta aðeins keppt með einu liði í hverri íþróttagrein á mótinu. Ef keppandi verður uppvís að leika með öðru liði en sínu skal lið það sem hann lék ólöglega með tapa viðkomandi viðureign og getur ekki unnið til verðlauna. 

7. Fyrirmyndarbikar Unglingalandsmóts UMFÍ

7.1 Fyrirmyndabikar Unglingalandsmóts UMFÍ er afhentur á mótsslitum til þess íþróttahéraðs sem hefur sýnt fyrirmyndarframkomu á mótinu, innan sem utan keppnisvallar. 

7.2 Mótshaldari skipar þriggja manna dómnefnd sem velja skal það íþróttahérað sem hlýtur bikarinn og skal UMFÍ tilnefnda einn fulltrúa í dómnefnd. 

7.3 Sérstök reglugerð er um Fyrirmyndabikarinn sem segir til um hvað fyrirmyndafélagið þarf að uppfylla til að hljóta bikarinn. 

8. Um fundi, kærur o.fl. 

8.1 Áður en keppni hefst skal stjórn UMFÍ skipa þriggja manna dómnefnd, Nefndin skal fjalla um öll deilumál sem upp koma fyrir keppni eða í keppninni og dæma í þeim samkvæmt reglugerð þessari og ef við á, leikreglum viðkomandi sérsambands. Kærur skulu vera skriflegar og berast mótsstjórn eigi síðar en einni klukkustund eftir lok þeirrar keppni sem kæra á. Kærur skulu undirritaðar af forsvarsmanni viðkomandi keppnisliðs eða einstaklings. Úrskurði dómnefndar verður ekki áfrýjað. 

9. Annað

Breytingar á reglugerð þessari skulu samþykktar af stjórn UMFÍ.

10. Grein 

Reglugerð þessi öðlast þegar gildi og eru jafnframt eldri reglugerðir mótsins úr gildi fallnar. 

Samþykkt á 50. sambandsþingi UMFÍ 2017 á Hallormsstað.

Uppfært á stjórnarfundi UMFÍ hinn 17. febrúar 2023. 

Til að geta haldið Unglingalandsmót þarf að uppfylla ákveðnar lágmarkskröfur.

Mótshaldari og samfélegið 

Keppendur geta orðið allt að 2.000 talsins og gestir mótsins um 15.000.

Mótshaldari þarf að sýna fram á að hann hafi styrk og bakland til að framkvæma mótið. Mótshaldari þarf einnig að gera grein fyrir almennri þjónustu í samfélaginu, svo sem heilbrigðisþjónustu, löggæslu, veitingasölu og gistiþjónustu.

Aðkoma og stuðningur sveitarfélagsins þarf að liggja fyrir með umsókn um mótið.

Tjaldsvæði

Mótshaldari skal leggja til tjaldsvæði fyrir keppendur og mótsgesti sem næst
aðalmótssvæðinu. Tjaldsvæðið skal vera með aðgengi að rafmagni og hreinlætisaðstöðu Stærð tjaldsvæðis skal vera 8 – 10 hektarar.

Keppnisgreinar og keppnissvæði

Samkvæmt reglugerð um Unglingalandsmót UMFÍ skal keppa í glímu, sundi, frjálsum íþróttum, körfuknattleik og knattspyrnu.

Mótshaldari ákveður aðrar greinar með samþykki stjórnar UMFÍ. Umsækjandi þarf að tilnefna keppnisgreinar og keppnisaðstöðu í umsókn sinni. Skoða þarf dreifingu á keppnissvæðum og taka afstöðu í þeim málum. Keppnissvæðin skulu öll vera sem næst aðalkeppnissvæðinu.

Lámarksaðstaða og keppnisreglur skulu vera samkvæmt reglugerðum viðkomandi sérsambanda þar sem því verður við komið.

Keppnisgreinar & keppnissvæði
1. Dans: Íþróttahús eða salur með parketgólfi
2. Fimleikar: Íþróttahús
3. Frjálsíþróttir: Frjálsíþróttavöllur með gerviefni
4. Glíma: Íþróttahús, salur eða úti
5. Golf: 9 holu golfvöllur
6. Hestaíþróttir: Hestaíþróttavöllur
7. Knattspyrna: 8-10 gras eða gervigrasvellir í minnibolta stærð
8. Körfubolti: Íþróttahús þar sem komast fyrir a.m.k. tveir körfuboltavellir eða sambærileg aðstaða
9. Motocross: Motocrosssvæði
10. Skák: Salur
11. Starfsíþróttir: Salir
12. Sund: 25 mtr. sundlaug
13. Taekwondo: Íþróttahús eða salur
14. Íþróttir fatlaðra

Áhöld og tæki þurfa að vera klár fyrir allar keppnisgreinar.

Sérgreinastjórar og starfsfólk 

Við hverja keppnisgrein þarf að vera hæfur sérgreinastjóri sem heldur utan um sína grein. Hann fær með sér annað starfsfólk við framkvæmd greinarinnar.

Samþykkt á 48.sambandsþingi UMFÍ 2013 í Stykkishólmi

Fyrirmyndabikar Unglingalandsmóts UMFÍ er afhentur á mótsslitum til þess héraðssambands eða íþróttabandalags sem hefur sýnt fyrirmyndarframkomu innan sem utan keppni.

Mótshaldari skipar þriggja manna dómnefnd sem velja skal það héraðssamband/íþróttabandalag sem hlýtur bikarinn og skal UMFÍ tilnefnda einn fulltrúa í dómnefnd.

Eftirfarandi atriði skal dómnefnd um fyrirmyndarbikar UMFÍ hafa til hliðsjónar við val á fyrirmyndarfélagi á Unglingalandsmótum UMFÍ:

• Unglingalandsmót UMFÍ er undantekningarlaust vímulaus fjölskylduhátíð.
• Samstæð og glæsileg skrúðganga keppnisliðs og stuðningsfólks.
• Framkoma liðsfélaga, stuðningsmanna og fylgdarliðs sé prúð og háttvís og öll til fyrirmyndar innan og utan vallar.
• Samstaða keppnisliða, innan vallar og utan sem og við leik og á tjaldsvæðum.
• Jákvæð hvatning eigin liðs, heiðarleg framkoma og hrós til mótherja.
• Jákvætt viðmót keppenda og fylgdarliðs, laus við hroka og yfirgang.
• Jákvæð fjölskyldustemming á tjaldsvæðum.
• Undirbúningur þátttöku, skráning og samskipti við mótshaldara.
• Styrk og jákvæð fararstjórn og umsjón með keppendum og fjölskyldum þeirra.
• Reglum skal fylgt innan sem utan vallar.

Samþykkt á 48. sambandsþing UMFÍ 2013

Úthlutanir - Fyrirmyndarbikar

Sigurðarbikarinn er gefinn í minningu um Sigurð Geirdal, fyrrverandi framkvæmdarstjóra UMFÍ. Bikarinn afhendist að loknu Unglingalandsmóti UMFÍ ár hvert til framkvæmdaraðila þess sem mótið er haldið hverju sinni og varðveita þeir bikarinn í eitt ár.

Sigurðarbikarinn ber að líta á sem ótvíræðan virðingarvott af hálfu stjórnar UMFÍ fyrir fjölþætta og frábæra framkvæmd sem skilur eftir sig stórbætta uppbyggingu í mannvirkjagerð til íþrótta- og félagsmálastarfs í héraði og félagslegt átak af margvíslegum toga.

Úthlutanir - Sigurðarbikar

1. Almennt um mótið

1.1 Mótið skal vera fjölbreytt og með sem mestum menningarblæ. Markmið mótsins er að bæta lýðheilsu almennings. 

1.2 Landsmót UMFÍ 50+ skal halda ár hvert og standa í þrjá daga. Mótssetning skal fara fram á föstudegi og mótsslit á sunnudegi. 

1.3 Skipa skal framkvæmdanefnd sem starfar að undirbúningi og framkvæmd mótsins. Í henni skulu sitja fulltrúar frá mótshaldara (sambandsaðila), sveitarfélagi og UMFÍ. 

2. Umsókn og undirbúningur

2.1 Stjórn UMFÍ skal auglýsa eftir sambandsaðilum sem áhuga hafa á að halda Landsmót 50+ og tilkynna niðurstöðu með formlegum hætti. 

2.2 UMFÍ skal gera skriflega samninga um mótið og framkvæmd þess. Aðilar að samningum eru mótshaldari (sambandsaðili), viðkomandi sveitarfélag og UMFÍ. 

2.3 UMFÍ skal, ásamt mótshaldara og viðkomandi sveitarfélagi, vinna sameiginlega að yfirbragði mótanna, m.a. með fjármögnun og kynningu þeirra. UMFÍ leggur til framkvæmdastjóra mótsins á sinn kostnað. 

3. Um þátttökurétt

3.1 Allir 50 ára og eldri hafa keppnisrétt á mótinu. Aldur miðast við almanaksár. 

3.2 Hver keppandi má keppa í eins mörgum keppnisgreinum og hann vill. Ef þátttaka er mikil getur mótshaldari í samráði við framkvæmdanefnd sett takmarkanir á fjölda þátttakenda bæði í einstaklings- og liðagreinum. Mótshaldara er heimilt að auglýsa ótakmarkaða þátttöku í einstökum greinum, þar sem höfðað er til fjöldaþátttöku, s.s. í almenningshlaupum óháð aldri. 

3.3 Auglýsa skal drög að tímasettri dagskrá mótsins í síðasta lagi mánuði fyrir mót. 

3.4 Skráningu lýkur um miðnætti síðasta sunnudag fyrir mót. Framkvæmdanefnd hefur heimild til að lengja skráningarfrest í öllum eða ákveðnum greinum. 

3.5 Stjórn UMFÍ ásamt mótshaldara ákveður þátttökugjald hverju sinni. 

4. Starfsfólk 

4.1 Mótshaldari ber ábyrgð á að útvega starfsfólk/sjálfboðaliða við allar keppnisgreinar og viðburði mótsins. 

5. Um fundi, kærur og fleira

5.1 Áður en keppni hefst skal stjórn UMFÍ skipa þriggja manna dómnefnd. Nefndin skal fjalla um öll deilumál sem upp koma fyrir keppni eða í keppninni og dæma í þeim samkvæmt reglugerð þessari og leikreglum viðkomandi sérsambands. Kærur skulu vera skriflegar og berast til mótsstjórnar eigi síðar en einni klukkustund eftir lok þeirrar keppni sem kæra á. Kærur skulu undirritaðar af forsvarsmanni viðkomandi keppnisliðs eða einstaklings. Úrskurði dómnefndar verður ekki áfrýjað. 

6. Keppnisgreinar

6.1 Framkvæmdanefnd ákveður keppnisgreinar á mótinu í samráði við UMFÍ. 

6.2 Framkvæmdanefnd ákveður aldursskiptingar í öllum keppnisgreinum. 

7. Um verðlaun

7.1 Þrír fyrstu í hverri grein hljóta verðlaun.

8. Annað

Breytingar á reglugerð þessari skulu samþykktar af stjórn UMFÍ.

9. Grein 

Reglugerð þessi öðlast þegar gildi og eru jafnframt eldri reglugerðir mótsins úr gildi fallnar. 

Samþykkt á 50. sambandsþingi UMFÍ 2017 á Hallormsstað.

Uppfært á stjórnarfundi UMFÍ hinn 17. febrúar 2023. 

Til að geta haldið Landsmót UMFI 50+ þarf að uppfylla ákveðnar lágmarkskröfur.

Mótshaldari og samfélagið

Keppendur geta orðið allt að 1.000 talsins og gestir mótsins um 5.000. Mótshaldari þarf að sýna fram á að hann hafi styrk og bakland til að framkvæma mótið. Mótshaldari þarf einnig að gera grein fyrir almennri þjónustu í samfélaginu, svo sem heilbrigðisþjónustu, löggæslu, veitingasölu og gistiþjónustu. Aðkoma og stuðningur sveitarfélagsins þarf að liggja fyrir með umsókn um mótið.

Tjaldsvæði

Tjaldsvæði skal vera fyrir a.m.k. 200 manns, með aðgengi að rafmagni og hreinlætisaðstöðu.

Gistiaðstaða

Gistiaðstaða þarf að vera fyrir 150 – 200 manns í næsta nágrenni.

Keppnisgreinar og keppnissvæði

Umsækjandi þarf að tilnefna keppnisgreinar og keppnisaðstöðu í umsókn sinni. Skoða þar dreifingu á keppnissvæðum og taka afstöðu í þeim málum. Keppnissvæðin skulu öll vera sem næst aðalkeppnissvæðinu.

Keppnisgreinar & keppnisaðstaða
1. Almenningshlaup
2. Boccia: Íþróttahús 18x36 eða stærra eða stór salur
3. Bridds: Salur eða skólastofur
4. Frjálsíþróttir: Keppnisaðstaða getur verið á möl, tartani eða grasi. Það þarf að vera steyptur kasthringur fyrir kúlu og kringlu sem og hlaupabraut fyrir 60m. hlaup.
5. Golf: 9 holu völlur í hámarki 40 km. fjarlægð frá aðalmótsstað
6. Hestaíþróttir: Hestaíþróttavöllur
7. Hringdansar: Íþróttahús 18x36 eða stærra eða stór salur
8. Hjólreiðar
9. Línudans: Íþróttahús 18x36 eða stærra eða stór salur
10. Pútt: Púttvöllur
11. Ringó: Íþróttahús 18x36 eða stærra eða góður grasflötur / sparkvöllur
12. Skák: Salur eða skólastofur
13. Starfsíþróttir: Salur eða skólastofur
14. Sund: Sundlaug a.m.k. 16 mtr.
15. Sýningar: Íþróttahús 18x36 eða stærra eða góður salur
16. Þríþraut

Áhöld og tæki þurfa að vera klár fyrir allar keppnisgreinar.

Sérgreinastjórar og starfsfólk 

Við hverja keppnisgrein þarf að vera hæfur sérgreinastjóri sem heldur utan um sína grein. Hann fær með sér annað starfsfólk við framkvæmd greinarinnar.

Samþykkt á 48. sambandsþingi UMFÍ 2013 í Stykkishólmi.

1. grein. Heiðursfélagi UMFÍ

Stjórn og/eða sambandsþing UMfÍ geta útnefnt heiðursfélaga UMFÍ.

Heiðursfélögum skal við hátíðlega athöfn afhentur heiðursfélagakross UMFÍ sem er æðsta heiðursmerki samtakanna.

Einungis skal útnefna heiðursfélaga þá sem hafa unnið áratuga heillaríkt starf fyrir UMFÍ, gegnt veigamiklu ábyrgðarhlutverki og unnið hreyfingunni ómetanlegt gagn. Heiðursviðurkenningar skulu að jafnaði afhentar þeim sem áður hafa hlotið gullmerki UMFÍ. Þessa sæmd má einnig sýna merkum brautryðjendum hreyfingarinnar.

Heiðursfélagar hafa öll réttindi ungmennafélaga en eru sjálfráðir um skyldur. Heiðursfélögum skal boðið á öll sambandsþing UMFÍ, sambandsráðsfundi og alla helstu viðburði sem haldnir eru á vegum UMFÍ.

2. grein. Gullmerki UMFÍ

Gullmerki UMFÍ er næstæðsta sæmdarviðurkenning UMFÍ. Gullmerki er veitt þeim sem hafa um árabil unnið öflugt starf fyrir ungmennafélagshreyfinguna, verið í forystu í héraði eða á vettvangi UMFÍ eða í áratugi unnið ötullega að eða tekið þátt í verkefnum UMFÍ. Einnig má veita þessa viðurkenningu við sérstök tækifæri sem stjórn telur við hæfi. Gullmerki skulu að jafnaði afhent þeim sem áður hafa hlotið starfsmerki UMFÍ.

Stjórn UMFÍ veitir einstaklingum gullmerki UMFÍ.

3. grein. Starfsmerki UMFÍ

Starfsmerki UMFÍ má veita fyrir frábært forystustarf í félagi, deild félags eða á vettvangi sambands, fyrir eftirtektarverð átaksverkefni eða nýjungar í starfi, góða virkni eða árangur í skipulags- og félagsstörfum s.s. með setu í stjórnum eða nefndum og fyrir mikið framlag til ungmenna- og íþróttastarfs.

Framkvæmdastjórn UMFÍ veitir einstaklingum starfsmerki UMFÍ.

4. grein. Þakkarskjöldur UMFÍ

Þakkarskjöld UMFÍ má veita hverjum þeim aðila eða stofnun sem hefur komið sterkt að verkefnum UMFÍ eða sýnt ungmennafélagshreyfingunni góðan stuðning. Viðkomandi þarf ekki að vera ungmennafélagi eða tilheyra hreyfingunni. Stjórn UMFÍ veitir þakkarskjöld UMFÍ.

5. grein. Heiðursráð

Stjórn UMFÍ skipar heiðursráð UMFÍ sem skal skipað þremur einstaklingum. Heiðursráð er ráðgefandi fyrir stjórn og framkvæmdastjórn UMFÍ um veitingu viðurkenninga.  Stjórn getur leitað umsagnar ráðsins á tillögum sambandsaðila eða óskað eftir tillögum ráðsins vegna Heiðursfélaga,  Gull– og starfsmerkja.

Breytingar á reglugerð þessari skulu samþykktar af stjórn UMFÍ.

Samþykkt af stjórn UMFÍ 29. september 2021.

Viðauki við reglugerðina

Viðmiðunarreglur

Heiðursfélagar: 

- Hefur unnið áratuga heillaríkt starf fyrir sitt hérað.
- Hefur unnið áratuga heillaríkt starf fyrir UMFÍ.
- Hefur gengt veigamiklu ábyrgðarhlutverki í hreyfingunni.
- Hefur unnið ómetanlegt gagn í hreyfingunni.
- Hefur unnið brautryðjendastarf fyrir hreyfinguna.
- Hefur hlotið gullmerki UMFÍ.

Gullmerki:

- Hefur um árabil unnið öflugt starf fyrir ungmennafélagshreyfinguna.
- Hefur um árabil verið í forystu í héraði eða á vettvangi UMFÍ.
- Hefur í áratugi unnið ötullega að eða tekið þátt í verkefnum UMFÍ.
- Hefur að jafnaði hlotið starfsmerki UMFÍ.

Starfsmerki:

- Hefur unnið frábært forystustarf í félagi, deild félags eða á vettvangi sambands.
- Hefur unnið/framkvæmt eftirtektarvert átaksverkefni.
- Hefur sýnt nýjungar í starfi.
- Hefur sýnt góða virkni eða árangur í skipulags- og/eða félagsstörfum.
- Hefur innt af hendi mikið framlag til uppeldis- og íþróttastarfs.

Heiðursfélagar eru að öllu jöfnu kjörnir á sambandsþingum UMFÍ. Hljóta þeir við hátíðlega athöfn heiðursfélagakross UMFÍ, sem er æðsta heiðursmerki sambandsins.

Heiðursviðurkenningar eru að jafnaði afhentar þeim sem áður hafa hlotið gullmerki UMFÍ. Þessa sæmd er einnig sýng merkum brautryðjendum íþrótta- og ungmennafélagshreyfingarinnar. 

Gullmerki UMFÍ er næstæðsta sæmdarviðurkenning UMFÍ. Gullmerki er veitt þeim sem hafa um árabil unnið öflugt starf fyrir ungmennafélagshreyfinguna, verið í forystu í héraði eða á vettvangi UMFÍ eða í áratugi unnið ötullega að eða tekið þátt í verkefnum UMFÍ. Gullmerki eru að jafnaði afhent þeim sem áður hafa hlotið starfsmerki UMFÍ.

Eftirtaldir hafa hlotið gullmerki UMFÍ: 

Starfsmerki UMFÍ er veitt fyrir frábært forystustarf í félagi, deild félags eða á vettvangi sambands, fyrir eftirtektarverð átaksverkefni eða nýjungar í starfi, góða virkni eða árangur í skipulags- og félagsstörfum s.s. með setu í stjórnum eða nefndum og fyrir mikið framlag til ungmenna- og íþróttastarfs.

Eftirtaldir hafa hlotið starfsmerki UMFÍ: 

Reglugerð um Hvatningarverðlaun UMFÍ

1. Hvatningarverðlaun UMFÍ eru viðurkenning sem veitt er á Sambandsþingi UMFÍ og á Sambandsráðsfundi UMFÍ það ár sem Sambandsþing er ekki haldið.

2. Hvatningarverðlaun UMFÍ eru veitt fyrir eftirtektarverð og framsækin verkefni sem skara fram úr eða fyrir óeigingjarnt starf í þágu samfélagsins.

3. Heimilt er að veita allt að þrjár viðurkenningar hverju sinni.

4. Hvatningarverðlaun UMFÍ getur hlotið sambandsaðili, aðildarfélag sambandsaðila, deild innan aðildarfélags eða einstaklingur innan aðildarfélags. 

5. Hvatningarverðlaunin eru viðurkenningarskjal og fjárupphæð sem stjórn ákveður hverju sinni. Ef verðlaunahafi er einstaklingur fær félag viðkomandi einnig viðurkenningarskjal.

6. Skrifstofa UMFÍ skal auglýsa eftir tillögum að hvatningarverðlaunum meðal sambandsaðila eigi síðar en sex vikum fyrir Sambandsþing eða Sambandsráðsfund. Hver sambandsaðili getur skilað inn allt að fimm tillögum.

Tillögur skulu hafa borist skrifstofu UMFÍ eigi síðar en þremur vikum fyrir Sambandsþing eða Sambandsráðsfund. 

7. Stjórn UMFÍ ákveður hverjir hljóta hvatningarverðlaun hverju sinni og ræður einfaldur meirihluti. Stjórn UMFÍ getur einnig að eigin frumkvæði veitt hvatningarverðlaun án tilnefningar.

8. Listi yfir handhafa hvatningarverðlauna UMFÍ ásamt stuttri lýsingu verkefnis skal ætíð vera aðgengilegur á heimasíðu UMFÍ.

Samþykkt á fundi stjórnar UMFÍ 21. september 2021.

Eftirtalin félög hafa hlotið hvatningarverðlaun UMFÍ: 

15. október 2021, 52. Sambandsþing UMFÍ haldið á Fosshótel Húsavík.

UMFF – veitt verðlaun fyrir verkefnið Áfram lestur!

Keflavík og UMFN - veitt verðlaun fyrir samstarfsverkefni fyrir börn með mismunandi stuðningsþarfir.

11. október 2019, 51. sambandsþing UMFÍ haldið á Laugarbakka í Miðfirði.

UMSK – veitt verðlaun fyrir reiðskóla Hestamannfélagsins Harðar fyrir fatlaða og fólk með þroskahömlun.

USAH – veitt verðlaun fyrir frumkvöðlastarf og verkefni fyrir eldri borgara.

HSH – veitt verðlaun fyrir að stuðla að auknu samstarfi á meðal aðildarfélaga og fyrir að ná vel til barna af erlendum uppruna.

20. október 2018, 42. sambandsráðsfundur UMFÍ haldinn á Ísafirði.

UMSK – veitt verðlaun fyrir nýsköpun og nýjungar í starfi m.a. fyrir innleiðingu og kynningu á nýrri íþróttagrein á Íslandi; biathlon, útbreiðslu pannavalla meðal aðildarfélaga, skólamót í blaki og samvinnuverkefni innan UMSK varðandi hreyfingu eldri borgara. Þá hefur sambandi stuðlað að auknu samstarfi innan sambandsins m.a. með kynningar- og fræðsluferð til Englands.

15. október 2017, 50. sambandsþing UMFÍ haldið í Hallormsstað.

HSV – veitt verðlaun fyrir körfuboltabúðir Vestra. Búðirnar eru einstakar á landsvísu þar sem hvergi eru í boði búðir sem bjóða jafn mikla þjálfun ásamt bæði mötuneyti og gistingu fyrir þátttakendur. Slíkar búðir eru hinsvegar starfræktar víða erlendis og þykja Vestrabúðirnar standast samanburð við þær bestu.

15. október 2016, 40. sambandsráðsfundur UMFÍ haldinn að Laugum í Sælingsdal.

Frjálsíþróttaráð HSK - starfsemi ráðsins hefur verið öflug undanfarin ár og þar ber fyrst að nefna að ráðið heldur árlega átta héraðsmót innan- og utanhúss og hefur þátttaka verið góð.

17. október 2015, 49. sambandsþing UMFÍ haldið í Vík í Mýrdal.

HSH, HSS, HHF, USK, UMFK, UMSB OG UDN – veitt verðlaun fyrir öflugt og metnaðarfullt íþrótta- og ungmennafélagsstarf í tengslum við samstarfsverkefnið SamVest.

13. október 2013, 48. sambandsþing UMFÍ haldið í Stykkishólmi

HSÞ – veitt verðlaun fyrir kröftugt og metnaðarfullt starf á sviði íþrótta- og æskulýðsmála á sambandssvæðinu í kjölfarið á sameiningu HSÞ og UNÞ.

16. október 2011, 47. sambandsþing UMFÍ haldið á Akureyri

HSV - veitt verðlaun fyrir nýungar í starfi og öflugt samstarf við sveitarfélagið.

16. október 2010, 37. sambandsráðsfundi UMFÍ haldinn á Egilsstöðum

UMSE - veitt verðlaunin fyrir framúrskarandi uppbyggingarstarf.

11. október 2009, 46. sambandsþingi UMFÍ haldið í Reykjanesbæ

UÍA - veitt verðlaunin fyrir framúrskarandi uppbyggingarstarf.

11. október 2008, 36. sambandsráðsfundi UMFÍ haldinn í Stykkishólmi:

HSÞ veitt verðlaunin fyrir að koma á fót aksturssjóði HSÞ.

21. október 2007, 45. sambandsþing UMFÍ haldið á Þingvöllum

HSK – fyrir framúrskarandi starf að kynningarmálum.

27. október 2006, 35. sambandsráðsfundur UMFÍ haldinn á Flúðum:
Umf. Skipaskagi – fyrir framúrskarandi uppbyggingarstarf á sviði íþrótta- og ungmennafélagsmála.

Keflavík íþrótta- og ungmennafélag – fyrir öflugt og metnaðarfullt íþrótta- og ungmennafélagsstarf á breiðum grunni.

23. október 2005, 44. sambandsþingi UMFÍ á Egilsstöðum:

HSV - veitt verðlaunin fyrir velheppnað átak í auknu félagsstarfi tengdu getraunastarfi. Framganga HSV er til fyrirmyndar og ætti að vera öðrum sambandsaðilum hvatning til að nýta þá möguleika sem í getraunastarfi felast.

Smelltu hér til þess að opna pdf af reglugerð. 

1. grein

Gripurinn er farandgripur og heitir Matmaður UMFÍ.

2. grein

Gripinn skal afhenda í lok síðustu máltíðar þings UMFÍ þeim þingfulltrúa, eða stjórnarmanni UMFÍ sem að mati dómnefndar er þess verðugastur að geyma gripinn til næsta þings.

3. grein

Dómnefnd skal skipuð forseta þings og fyrrverandi matmanni. Sé fyrrverandi matmaður ekki til staðar, skal einn fulltrúi HSK koma í hans stað og eru þeir í dómnefnd fyrsta sinni.

4. grein

Gripnum skal skila til UMFÍ eigi síðar en viku fyrir þing.

Eftirtaldir hafa hlotið nafnbótina matmenn UMFÍ

Hér er að sjá þau samtök og verkefni sem hlotið hafa Umhverfisverðlaun UMFÍ.

Samkvæmt Íþróttalögum og Æskulýðslögum er óheimilt að ráða til starfa einstaklinga sem hlotið hafa refsidóm vegna ofbeldis og ávana- og fíkniefna, á síðastliðnum fimm árum, til starfa með börnum og ungmennum. 

Sambandsaðilar UMFÍ og aðildarfélög þeirra eru hvött til þess að óska eftir samþykki starfsmanna um heimild til að leita eftir upplýsingum hjá Sakaskrá ríkisins. 

Útfyllt eyðublað sendist til þjónustumiðstöðvar UMFÍ á netfangið umfi@umfi.is. UMFÍ sendir skjalið til Sakaskrá, félaginu að kostnaðarlausu.  

Smelltu hér til þess að opna útfyllanlegt pdf. form. 

The form in English.