Ungmennabúðir UMFÍ hófu starfsemi sína í gömlu íþróttamiðstöðinni á Laugarvatni í Bláskógabyggð þann 26. ágúst 2019. Búðirnar eru fyrir nemendur í 9. bekk grunnskóla.
Nemendur eiga möguleika á að dvelja þar frá mánudegi til föstudags við leik og störf. 

Verð fyrir dvöl í búðunum er kr. 35.000.- á nemanda árið 2022 - 2023. Innifalið er m.a. dagskrá, gisting, matur, drykkjarflaska og bolur. 

Markmiðið með dvölinni er að styrkja félagsfærni ungmenna, efla vitund þeirra fyrir umhverfi sínu og samfélagi ásamt mikilvægi þess að hafa heilbrigðan lífsstíl að leiðarljósi.

Ungmennabúðir UMFÍ hófu starfsemi sína í janúar árið 2005 að Laugum í Sælingsdal í Dalabyggð. Árlega koma rúmlega 2.200 ungmenni í búðirnar. 

Fyrir fyrirspurnir og bókanir vinsamlegast hafið samband við Sigurð Guðmundsson.
Netfang siggi@umfi.is. Sími 861 3379.

Upplýsingar

Upplýsingar

Starfsfólk

Helgarhópar

Myndir

Fréttir frá Ungmennabúðum

12. ágúst 2022

UMFÍ tekur við rekstri Skólabúðanna að Reykjum

„Þetta er ánægjulegur dagur. Við erum spennt fyrir samstarfinu,‟ segir Ragnheiður Jóna Ingimarsdóttir, fráfarandi sveitarstjóri í Húnaþingi vestra. Hún og Auður Inga Þorsteinsdóttir, framkvæmdastjóri UMFÍ, skrifuðu í dag undir samning um rekstur Skólabúðanna að Reykjum.

Lesa meira
11. ágúst 2022

Ertu hress leiðbeinandi eða kryddleginn hjálparkokkur í eldhúsi?

UMFÍ er að taka við rekstri Skólabúða á Reykjum í Hrútafirði frá hausti 2022. Við erum búin að manna í stöður en viljum gera aðeins betur og leitum eftirfarandi starfsmanna í full störf. Okkur vantar leiðbeinanda og aðstoð við matráð í eldhúsinu. Ertu memm?

Lesa meira
27. maí 2022

UMFÍ leitar að starfsfólki í skólabúðir á Reykjum

UMFÍ leitar að frábæru starfsfólki í 100% stöður í framtíðarstörfum í Skólabúðum að Reykjum í Hrútafirði í haust. Um er að ræða störf frístunda- og tómstundaleiðbeinanda, matráður í mötuneyti og stöðugildi í þrif og ræstingar. Um er að ræða framtíðarstörf allt árið um kring í Hrútafirði.

Lesa meira
Fréttasafn