Fréttasafn

Ráðherra hrósar UMFÍ

„Hjá mörgum fjölskyldum um land allt er landsmótið orðið að ómsissandi viðburði á hverju ári. Það er jákvætt því slík samvera treystir fjölskyldubönd,“ sagði Kristján Þór Júlíusson, mennta- og menningarmálaráðherra við setningu Unglingalandsmóts UMFÍ á Egilsstöðum.

03. ágúst 2017

Danskir snillingar æfa sig í loftfimleikum

Fimmmenningarnir í danska fimleikahópnum Motus Teeterboard mættu til Egilsstaða í dag. Þeir verða með sýningu við setningu Unglingalandsmóts UMFÍ á Egilsstöðum á föstudagskvöld og vinnustofur fyrir mótsgesti.

Dagurinn byrjar með körfubolta og knattspyrnu

Föstudagurinn 4. ágúst verður frábær. Hann hófst klukkan 9:00 í morgun með keppni í körfu og fótbolta klukkan 9:00. Klukkan 10 hófst svo keppni í frjálsum og þrekmóti UÍA.

Amma skemmtir sér í ringó

Börn og ungmenni og ömmur skemmtu sér konunglega þegar ringó var kynnt fyrir gestum Unglingalandsmóts UMFÍ í Bjarnadal á Egilsstöðum í dag.

Veigar fór völlinn á 86 höggum

Þóra Björg Yngvadóttir úr HSK, Brimar Jörvi Guðmundsson úr UMSE, Veigar Heiðarsson úr UMSE og Gunnar Einarsson, UÍA, urðu í fyrstu sætum í sínum aldursflokkum í keppni í golfi á Unglingalandsmóti UMFÍ á Egilsstöðum í gær.

Mótsgestir kæla sig í Eyvindará

Það er gott að geta kælt sig niður. Það kunna þátttakendur á Unglingalandsmóti UMFÍ. Þegar nokkrir keppendur luku leikjum sínum í knattspyrnu og körfuknattleik í dag fóru þau í Selskóg og kældu sig niður með því að hoppa í Eyvindará.

Góður laugardagur framundan

Laugardagurinn 5. ágúst byrjar vel. Dagurinn hefst með hláturjóga og morgunsprelli á tjaldsvæði mótsgesta og keppenda. Síðan hefst keppni í mörgum greinum. Best er að fylgjast með breytingum á dagskrá á upplýsingarsíðu Unglingalandsmóts UMFÍ.

Keppt í bogfimi í dag

Keppt verður í bogfimi í reiðhöllinni á Iðavöllum í dag, laugardag, á milli klukkan 16:00 til 18:00. Keppendur í bogfimi þurfa að mæta með sinn eigin boga. Á morgun, sunnudaginn 6. ágúst, verður svo kennsla á milli klukkan 13:00 til 16:00 við Skattstofuna gegnt Egilsstaðastofu.

Elva Dögg í fyrsta sæti í skotfimi

Elva Dögg Ingvarsdóttir bar sigur úr býtum í keppni í skotfimi á Unglingalandsmóti UMFÍ á Egilsstöðum í gær. Elva Dögg er 15 ára og næstyngsti keppandinn í skotfimi af þeim sex sem þátt tóku í greininni. Elva Dögg er lengst til vinstri á myndinni.

Lögreglan hefur ekkert að gera á Egilsstöðum

Gestir og þátttakendur Unglingalandsmóts UMFÍ eru til fyrirmyndar. Lögreglan hefur ekki orðið vör við nein vandræði. Ekki hefur verið vart við ölvun, enginn hefur verið handtekinn, enginn gist fangageymslur og enginn til vandræða.

Ívar Ingimarsson dæmir á Unglingalandsmóti

Mikill fjöldi sjálfboðaliða tekur þátt í Unglingalandsmóti UMFÍ á Egilsstöðum. Þar á meðal eru þeir Ívar Ingimarsson og Guðgeir Sigurjónsson, leikmaður Hattar á Egilsstöðum. Það er gaman að fá svona reynslubolta sem sjálfboðaliða á Unglingalandsmót UMFÍ.

06. ágúst 2017

Sigmari finnst frábært að vera sjálfboðaliði

„Ég hef ekki verið sjálfboðaliði á Unglingalandsmóti áður en mun eflaust gera það næstu árin. Þetta er frábært,“ segir Sigmar Vilhjálmsson. Hann var sjálfboðaliði á Unglingalandsmóti UMFÍ á Egilsstöðum 2017.