08. janúar 2021

Helgi hjá Leikni: Lýst vel á að öll ungmenni geti byrjað að æfa á ný

Mér lýst mjög vel á að öll ungmenni geti byrjað að æfa aftur. Þær æfingar sem hafa farið fram eru í gangi. En svo erum við lítið félag og þurfum aðeins að senda skilaboð á iðkendur til að segja þeim tíðindin,“ segir Helgi Óttarr Hafsteinsson, framkvæmdastjóri Leiknis í Reykjavík.

Eins og fram kom fyrr í dag bendir allt til þess að slakað verði á samkomutakmörkunum miðvikudaginn 13. janúar næstkomandi. Íþróttaæfingar og annað starf barna og fullorðinna verður heimilað að nýju með og án snertingar að uppfylltum skilyrðum og leyft að keppa í íþróttum án áhorfenda.

Félagssvæði Leiknis er í Breiðholti og býður félagið á knattspyrnu, blak og skák. Meistaraflokki Leiknis í knattspyrnu hefur gengið vel og liðið komið í Pepsideildina í annað sinn í sögu félagsins.

Iðkendur Leiknir eru 250 í Breiðholti og segir Helgi það gott því auðvelt sé að koma skilaboðum áleiðis til iðkenda, bæði þegar samkomuatakmarkanir voru settar á og líka nú þegar slakað verður á þeim og íþróttastarf og keppni fullorðinna leyfð á ný.

Helstu breyt­ing­ar á samkomutakmörkunum

  • Al­menn­ar fjölda­tak­mark­an­ir verða 20 manns.
  • Íþróttaæf­ing­ar: Íþróttaæf­ing­ar barna og full­orðinna verða heim­il­ar með og án snert­ing­ar inn­an- og ut­an­dyra. Ekki mega vera fleiri en 50 manns í rými. 
  • Íþrótta­keppn­ir: Íþrótta­keppn­ir barna og full­orðinna verða heim­il­ar en án áhorf­enda.
  • Skíðasvæði: Skíðasvæðum verður heim­ilt að hafa opið með tak­mörk­un­um sam­kvæmt reglu 4 í út­gefn­um regl­um skíðasvæðanna í land­inu. Í skíðalyft­um skal tryggt að þeir sem eru ein­ir á ferð þurfi ekki að deila lyftu­stól með öðrum, halda skal tveggja metra ná­lægðarmörk og sömu regl­ur gilda um grímu­notk­un og ann­ars staðar.
  • Versl­an­ir: Gerð er sú breyt­ing að í stað nú­gild­andi reglu sem heim­il­ar 5 viðskipta­vini á hverja 10m² er gert ráð fyr­ir ein­um viðskipta­vini á hverja 4m² en þó ekki fleiri en 100 viðskipta­vin­um í rými að há­marki.
  • Heilsu- og lík­ams­rækt­ar­stöðvar: Starf­semi verður heim­il með ströng­um skil­yrðum. Fjöldi gesta má að há­marki vera helm­ing­ur þess sem kveðið er á um í starfs­leyfi, eða helm­ing­ur þess sem bún­ingsaðstaða ger­ir ráð fyr­ir ef gesta­fjölda er ekki getið í starfs­leyfi. Ein­ung­is er leyfi­legt að halda skipu­lagða hóp­tíma þar sem há­marks­fjöldi í hverj­um hópi eru 20 manns og gest­ir í hvern tíma skráðir. Bún­ings­klef­ar skulu vera lokaðir. Börn fædd 2005 og síðar eru ekki tal­in með í gesta­fjölda. Sótt­varna­lækn­ir mun setja fram ýt­ar­leg­ar leiðbein­ing­ar um sótt­varn­ir á heilsu- og lík­ams­rækt­ar­stöðvum.
  • Sviðslist­ir, bíó­sýn­ing­ar og aðrir menn­ing­ar­viðburðir: Á sviði mega vera allt að 50 manns á æf­ing­um og sýn­ing­um. And­lits­grím­ur skulu notaðar eins og kost­ur er og tveggja metra ná­lægðar­tak­mörk­un virt eft­ir föng­um. Sitj­andi gest­ir í sal mega vera allt að 100 full­orðnir og 100 börn fædd 2005 og síðar. Gest­ir skulu sitja í sæt­um sem skráð eru á nafn og full­orðnir eiga að bera grímu.

 

Leiknir R er aðildarfélag Íþróttabandalags Reykjavíkur, eins af 28 sambandsaðilum UMFÍ. 

Sjá einnig: Íþróttastarf barna og fullorðinna fer í gang að nýju