11. maí 2022

Málþing um aukna þátttöku fólks af erlendum uppruna

UMFÍ og ÍSÍ efna til málþings miðvikudaginn 25. maí á hótel Nordica kl. 09:00 – 12:00. Yfirskrift málþingsins er: Vertu með! Aukin þátttaka barna og ungmenna af erlendum uppruna í íþróttum. Eins og yfirskriftin ber með sér er umfjöllunarefnið það hvernig hægt er að ná betur til fólks af erlendum uppruna og fjölga iðkendum af erlendu bergi brotið í skipulögðu íþróttastarfi. Á dagskránni eru áhugaverð og gagnleg erindi. Meðal annars mun forsvarsfólk nokkurra íþróttafélaga segja frá því hvað þau gerðu til að ná árangri í þessum málaflokki.

Allir gestir málþingsins fá tækifæri til að koma sínum skoðunum og hugmyndum á framfæri hvort sem þeir eru á staðnum eða nýta tæknina til að fylgjast með.

 

Dagskrá er eftirfarandi:

Kl. 09:00            Dagskrá hefst     

  • Ávarp ráðherra
    Ásmundur Einar Daðason, mennta- og barnamálaráðherra. 
  • Hver er þátttaka barna af erlendum uppruna í dag?
    Margrét Lilja Guðmundsdóttir, sérfræðingur hjá R&G.

  • Samtal og samvinna – Mikilvægi þess að taka samtalið við börn, unglinga og fullorðna um þeirra viðfangsefni og virkni.
    Jóhannes Guðlaugsson, verkefnastjóri í þjónustumiðstöð Breiðholts. 

Kl. 10:00            Kaffihlé með léttum veitingum

  • Allir með í Reykjanesbæ.
    Hilma Hólmfríður Sigurðardóttir, verkefnastjóri fjölmenningarmála.
  • Örfrásagnir af fjórum ólíkum verkefnum.
    Ragnar Sverrisson frá Dansfélaginu Bíldshöfða. Dagný Finnbjörnsdóttir frá Héraðssambandi Vestfirðinga. Kristín Þórðardóttir frá sunddeild KR og Sarah Smiley frá Skautafélagi Akureyrar.

  • Fjölmenningarverkfærakista Æskulýðsvettvangsins.
    Sema Erla Serdar, framkvæmdastýra ÆV.
  • Samantekt, hvaða verkfærum kallar íþróttahreyfingin eftir?

Kl. 12:00            Dagskrárlok

 

Fundarstjóri er Markús Máni Michaelsson Maute. 


Viðburðinum verður streymt í gegnum Facebook.

Aðgangur er ókeypis.

Léttar veitingar í boði.

Óskað er eftir skráningu hér.

Skráningarfrestur er til 23. maí nk.