27. maí 2022

UMFÍ leitar að starfsfólki í skólabúðir á Reykjum

UMFÍ leitar að frábæru starfsfólki í 100% stöður í framtíðarstörfum í Skólabúðum að Reykjum í Hrútafirði í haust. Um er að ræða eftirfarandi störf:

  • Frístunda- og tómstundaleiðbeinandi. Háskólamenntun og reynsla af vinnu með ungu fólki er kostur.
  • Matráður í mötuneyti.
  • Þrif og ræstingar.

Allt eru þetta framtíðarstörf allt árið um kring í Hrútafirði.

Umsóknarfrestur er til 20. júní næstkomandi.

Fríðindi í starfinu er skemmtun, leikir og allskonar óvæntar og skemmtilegar uppákomur. Í skólabúðirnar koma nemendur í 7. bekk í grunnskólum landsins og dvelja í fimm daga í senn yfir skólaárið. 

Frábær leiðbeinandi með létta lund. Kostir að hafa: 

  • Háskólapróf er kostur en ekki skilyrði.
  • Brennandi áhugi á því að vinna með ungmennum.
  • Frumkvæði, metnaður og sjálfstæði.
  • Gleði og létt lund.

Hress matráður í mötuneyti. Kostir hans verða að vera:

  • Ástríða fyrir því að elda góðan og hollan mat á hverjum degi.
  • Gleði og hamingja yfir pottum og pönnum.
  • Sveigjanleiki í öllum verkefnum. 

Þrif- og ræstingar: Nákvæmni, þolinmæði og sveigjanleiki:

  • Ástríða fyrir því að halda umhverfinu skínandi fallegu og hreinu. 
  • Gleði með moppuna og ánægja yfir nýskúruðum gólfum.
  • Sveigjanleiki í öllum verkefnum. 

 

Allt starfsfólk þarf að uppfylla skilyrði Æskulýðslaga um starf með börnum og hafa hreint sakavottorð.

 

Ef þú hefur áhuga hafðu þá endilega samband við þjónustumiðstöð UMFÍ eða smelltu í tölvupóst á netfangið umfi@umfi.is.