Ráðstefnur UMFÍ

Ungt fólk og lýðræði

Ungmennaráðstefnan Ungt fólk og lýðræði leggur áherslu á að efla lýðræðislega þátttöku ungs fólks í leik og starfi. Þar er lögð áhersla á að einstaklingar geti styrkt sjálfsmynd sína og tekið upplýstar ákvarðanir um eigið líf og lífsstíl. Ráðstefnan hefur verið haldin árlega frá árinu 2009 og hefur því fest sig í sessi á meðal mikilvægustu viðburða fyrir ungt fólk á Íslandi.

Næsta ráðstefna fer fram 21. - 23. mars nk. á hótel Borealis Efri- Brú í Grímsnes- og Grafningshreppi. Yfirskrift ráðstefnunnar 2018 er Okkar skoðun skiptir máli! 

Á ráðstefnunni munu þátttakendur ræða stöðu sína í samfélaginu og taka frumvarp um lækkun kosningaraldurs til sveitastjórna til sérstakrar umræðu. Þátttakendur eru hvattir til að undirbúa sig fyrir ráðstefnuna, skoða stöðu ungmenna í sínu samfélagi. Hvaða breytingar vill ungt fólk sjá? Hvað finnst ungu fólki vel gert? Finnst ungu fólki tekið mark á skoðunum þeirra?

Ráðstefnan er ætluð ungu fólki á aldrinum 16 – 25 ára. Fjöldi þátttakenda er takmarkaður við 80 manns eða tvo þátttakendur frá hverju ungmennaráði auk starfsmanns ef vill. Þátttakendum yngri en 18 ára þarf að fylgja með fullorðinn einstaklingur. Þátttökugjald er 15.000kr. fyrir hvern einstakling. UMFÍ styrkir ferðakostnað. Athygli er vakin á því að aðeins lággjaldafargjöld eru endurgreidd, eða ódýrasti ferðamátinn. Jafnframt er aðeins greitt fyrir þátttakendur sem þurfa að ferðast lengra en 100km aðra leið. Rúta fer frá þjónustumiðstöð UMFÍ, Sigtúni 42, 105 Reykjavík á miðvikudeginum og til baka að lokinni ráðstefnu á föstudeginum. Skila þarf inn kvittunum til þess að fá ferðakostnað endurgreiddan.  

Ungmennaráð UMFÍ hefur veg og vanda að ráðstefnunni. Dagskrá verður með fjölbreyttu sniði og birt þegar nær dregur. Til viðbótar verður stutt spurningakönnun send út til þátttakenda fyrir ráðstefnuna.

Skráningafrestur er til 12. mars. Hægt er að smella hér og skrá sig.

Ef eitthvað er óljóst er velkomið að senda fyrirspurn til Sabínu Steinunnar, starfsmanns ungmennaráðs UMFÍ, sabina@umfi.is eða á ungmennaráðið sjálft, ungmennarad@umfi.is.

 

Fyrri ráðstefnur

Ályktanir frá fyrri ráðstefnum

2017 Ekki bara framtíðin - Ungt fólk leiðtogar nútímans.

Miðfjörður.  

Sjá hér ályktun frá ráðstefnunni. 


2016 
Niður með grímuna - geðheilbrigði ungmenna á Íslandi. 

Selfoss.

Sjá hér ályktun frá ráðstefnunni.

 
2015 Margur verður af aurum Api - réttindi og skyldur ungs fólks á vinnumarkaði.

Stykkishólmur.

Sjá hér ályktun frá ráðstefnunni​.

 
2014 Stjórnsýslan og við - áhrif ungs fólks á stjórnsýsluna.

Ísafjörður. 

Sjá hér ályktun frá ráðstefnunni​.

 
2013 Þátttaka ungs fólks í skipulagsmálum sveitarfélaga.

Egilsstaðir.

Sjá hér ályktun frá ráðstefnunni​.

 
2012 Fjölmiðlar og mannréttindi. 

Hvolsvöllur.

Sjá hér ályktun frá ráðstefnunni.​

 
2011 Ungt fólk og fjölmiðlar. 

Hveragerði. 

 
2010 Lýðræði og mannréttindi. 

Dalabyggð. 

 
2009 Ungt fólk og lýðræði.

Akureyri.