Ungmennabúðir UMFÍ hófu starfsemi sína í gömlu íþróttamiðstöðinni á Laugarvatni í Bláskógabyggð þann 26. ágúst 2019. Búðirnar eru fyrir nemendur í 9. bekk grunnskóla. Nemendur eiga möguleika á að dvelja þar frá mánudegi til föstudags við leik og störf.
Verð fyrir dvöl í búðunum er kr. 29.000.- á nemanda árið 2019-2020. Innifalið er m.a. dagskrá, gisting, matur, drykkjarflaska og bolur.
Viðburðir eru í formi námskeiða sem tengjast meginstoðum UMFÍ. Meginstoðirnar eru menning, útivist, hreyfing og félagsfærni. Markmiðið með dvölinni er að styrkja félagsfærni ungmenna, efla vitund þeirra fyrir umhverfi sínu og samfélagi ásamt mikilvægi þess að hafa heilbrigðan lífsstíl að leiðarljósi.
Ungmennabúðir UMFÍ hófu starfsemi sína í janúar árið 2005 að Laugum í Sælingsdal í Dalabyggð. Árlega koma um 1.800 ungmenni í búðirnar.
Allar nánari upplýsingar veitir Anna Margrét, forstöðumaður. Sími: 861 2660. Netfang: ungmennabudir@umfi.is
