Ungmennaráðstefnan Ungt fólk og lýðræði leggur áherslu á að efla lýðræðislega þátttöku ungs fólks í leik og starfi. Þar er lögð áhersla á að einstaklingar geti styrkt sjálfsmynd sína og tekið upplýstar ákvarðanir um eigið líf og lífsstíl. Ráðstefnan hefur verið haldin árlega frá árinu 2009 og hefur því fest sig í sessi á meðal mikilvægustu viðburða fyrir ungt fólk á Íslandi. Aðalstyrktaraðili ráðstefnunnar eru Erasmus+

 

Ungt fólk getur haft áhrif hvar og hvenær sem er með því að láta rödd sína heyrast?

Ungmennaráðstefnan Ungt fólk og lýðræði var haldin í Hörpu í Reykjavík 17. september 2020.

Með virkri þátttöku í ráðum og nefndum innan skóla og félagasamtaka fær ungt fólk tækifæri til þess að koma skoðunum sínum á framfæri. Ungt fólk hvetur stjórnendur og ráðamenn til að bjóða ungmennum oftar að ákvarðanaborðinu eða leita eftir skoðunum þeirra. Ungt fólk kallar jafnframt eftir aukinni þjálfun og reynslu í lýðræðisákvörðunum, aukna þjálfun í að mynda sér skoðun með rökstuðningi og fræðslu um hvernig stjórnkerfið virkar, ferli ákvarðana allt frá hugmynd að samþykktri ákvörðun hvort heldur sem er innan ýmissa ráða, nefnda og Alþingis. Öll málefni eru málefni ungs fólks. Við ungt fólk erum ekki einungis framtíðin heldur erum við til staðar hér og nú.

Þetta er meðal efnis sem kom fram á ungmennaráðstefnunni Ungt fólk og lýðræði sem fram fór 17. september í tónlistar- og viðburðahúsinu Hörpu. Yfirskrift ráðstefnunnar var Lýðræðisleg áhrif. Hvar, hvernær og hvernig getur ungt fólk haft áhrif? Á viðburðinn mættu rúmlega 100 þátttakendur. Ungmenni á aldrinum 15 ára og eldri víðs vegar af landinu voru í miklum meirihluta. En sömuleiðis hafa aldrei fleiri ráðamenn og stjórnendur frá fyrirtækjum og öðrum félagasamtökum mætt á ráðstefnuna.

Á meðal þeirra ráðamanna sem tóku virkan þátt í ráðstefnunni voru Guðni Th. Jóhannesson, forseti Íslands, Lilja Dögg Alfreðsdóttir, mennta- og menningarmálaráðherra, Dagur B. Eggertsson borgarstjóri og fjöldi þingmanna.  

Þátttakendum fannst viðburðurinn afar fræðandi og gagnlegur. Um 95% þátttakenda sögðu að þeir hafi lært eitthvað nýtt. Nær allir þátttakendur (97%) hvetja Ungmennaráð UMFÍ til þess að standa áfram fyrir sambærilegum viðburðum.

Ungmennaráð UMFÍ er skipað tíu ungmennum á aldrinum 17 – 22 ára víðs vegar af landinu. Það hafði veg og vanda að öllum undirbúningi og framkvæmd ungmennaráðstefnunnar með stuðningi frá starfsfólki UMFÍ.

Á ráðstefnunni sagði Guðni Th. Jóhannesson, forseti Íslands, ungt fólk upp til hópa búa yfir því sjálfstrausti sem þarf til þess að vilja móta eigin líf og er óhrætt við það.

Undir það tekur Lilja Alfreðsdóttir, mennta- og menningarmálaráðherra: „Ungt fólk á ekki að hika við það að segja hvað því finnst skipta máli, því ungt fólk er það fólk sem myndar framtíðina.“

Í meðfylgjandi myndböndum er að finna skilaboð og hvatningarorð frá þátttakendum ráðstefnunnar 2020.

 

 

 

Pallborðsumræður - samtal við ráðamenn

Metfjöldi ráðamanna sótti viðburðinn. Á setninguna mættu Guðni Th. Jóhannesson, forseti Íslands, og Dagur B. Eggertsson, borgarstjóri í Reykjavík, Lilja D. Alfreðsdóttir, mennta- og menningarmálaráðherra, og þingmennirnir Andrés Ingi Jónsson, Björn Leví Gunnarsson, Guðmundur Ingi Kristinsson, Helga Vala Helgadóttir, Ágúst Ólafur Ágústsson, Guðjón S. Brjánsson og Vilhjálmur Árnason tóku þátt í umræðum. Ásamt þeim gerðu það Ketill Berg Magnússon, mannauðsstjóri Marel, og Ragna Sigurðardóttir borgarfulltrúi. Í pallborðsumræður mættu og tóku þátt Sigurður Ingi Jóhannsson, samgöngu/ sveitarstjórnarráðherra, og þingmennirnir Andrés Ingi Jónsson, Willum Þór Þórsson, Bryndís Haraldsdóttir og Steinunn Þóra Árnadóttir auk Sönnu Magdalenu Mörtudóttir borgarfulltrúa. 

Smelltu hér til þess að hlusta á samtal við ráðamenn. 

Hvað er ungt fólk og lýðræði?

Ráðstefnan er samræðuvettvangur ungs fólks á aldrinum 16 - 25 ára. Markmið og tilgangur ráðstefnunnar er að efla lýðræðislega þátttöku ungs fólks í leik og starfi og gefa okkur, ungu fólki, verkfæri og þjálfun til þess að auka áhrif í okkar nær samfélagi.

Takmarkaður fjöldi

Fjöldi þátttakenda er takmarkaður og komast aðeins 80 þátttakendur að. Þátttökugjald er 5.900kr. fyrir hvern þátttakanda. Innifalið í gjaldinu eru ráðstefnugögn og veitingar. UMFÍ styrkir 80% af ferðakostnaði. Skila þarf inn kvittunum til þess að fá styrk fyrir ferðakostnaði.   

Athygli er vakin á því að viðburðurinn er með öllu vímuefnalaus og á það líka við um rafsígarettur.

Skráning

Ekki þarf að vera í ungmennaráði eða ákveðnu félagi til þess að koma. Ráðstefnan er fyrir öll ungmenni á aldrinum 16 - 25 ára.

Smelltu hér til þess að lesa kynningarbréf 2020. 

Smelltu hér til þess að skoða dagskrá 2020. 

 

Smelltu hér til þess að skoða myndir frá ráðstefnunni 2020.

 

 

Fyrri ráðstefnur

Ályktanir frá fyrri ráðstefnum

2019 Betri ég! Hvernig get ég verið besta útgáfan að sjálfum mér? - Borgarnes.

Sjá hér ályktun frá ráðstefnunni. 

 

2018 Okkar skoðun skiptir máli - 

Grímsnes- og Grafningshreppur.

Sjá hér ályktun frá ráðstefnunni. 

 

2017 Ekki bara framtíðin - Ungt fólk leiðtogar nútímans.

Miðfjörður.  

Sjá hér ályktun frá ráðstefnunni. 


2016 
Niður með grímuna - geðheilbrigði ungmenna á Íslandi. 

Selfoss.

Sjá hér ályktun frá ráðstefnunni.

 
2015 Margur verður af aurum Api - réttindi og skyldur ungs fólks á vinnumarkaði.

Stykkishólmur.

Sjá hér ályktun frá ráðstefnunni​.

 
2014 Stjórnsýslan og við - áhrif ungs fólks á stjórnsýsluna.

Ísafjörður. 

Sjá hér ályktun frá ráðstefnunni​.

 
2013 Þátttaka ungs fólks í skipulagsmálum sveitarfélaga.

Egilsstaðir.

Sjá hér ályktun frá ráðstefnunni​.

 
2012 Fjölmiðlar og mannréttindi. 

Hvolsvöllur.

Sjá hér ályktun frá ráðstefnunni.​

 
2011 Ungt fólk og fjölmiðlar. 

Hveragerði. 

 
2010 Lýðræði og mannréttindi. 

Dalabyggð. 

 
2009 Ungt fólk og lýðræði.

Akureyri.