Skráning raunverulegra eigenda félagasamtaka

Margir hafa velt því fyrir sér hvernig skrá á raunverulega eigendur íþrótta- og ungmennafélaga. Ríkisskattstjóri hefur útbúið sérstakt eyðublað fyrir félagasamtök og aðlagað ferlið að skráningu félagasamtaka.  Þau er gott að hafa ef annað bregst.

 

Rafræn skráning raunverulegra eigenda: Skref fyrir skref

Farðu á Skattur.is – þá opnast þjónustusíða – skráðu kennitölu félags og veflykil – smelltu á flipann Almennt efst í vinstra horni síðunnar – Smelltu á hlekkinn „Raunverulegur eigandi“ – Þarna byrjarðu skráningu samkvæmt leiðbeiningum frá RSK sem birtast á síðunni – Hakaðu aðeins við flipann Dreift eignarhald – Í liðnum „tegund eignarhalds“ skaltu haka við „stjórn skráð sem eigandi“ – Athugaðu að draga þarf inn á síðuna ársreikning, fundargerð og fleira efni tengt viðkomandi félagi, s.s. vottorð félags frá RSK – að því loknu skaltu smella á „Skrá“.

Skráningin er endurtekin fyrir hverja kennitölu allra stjórnarmanna (ekki varastjórn). Ef prókúruhafi er ekki í stjórninni þá þarf að skrá hann sömuleiðis.

Að lokum skal smella á undirritun.

 

Stjórnarfólk samþykkir rafræna skráningu: Skref fyrir skref

Einstaklingar sem þurfa að staðfesta stjórnarsetu með rafrænni undirritun fara inn á vefsíðuna www.skattur.is – Viðkomandi skráir sig inn með rafrænum skilríkjum eða með þeim hætti sem hann notar til að fara inn á vefinn – Að lokinni innskráningu kemur upp valglugginn „Velja innskráningu“. Þar á að velja „Mín þjónustusíða“ en EKKI „Félög sem ég tengist“ – Farðu í efstu línu á síðunni þar sem stendur „Þú átt ný skilaboð“ og smelltu á flipann – Mikilvægt er að skoða efst í hægri hluta skjásins og athuga hvort þú ert skráður inn á síðuna í eigin nafni frekar en félagsins – smelltu á „Raunverulegur eigandi“ – smelltu því næst á „Opna yfirlit skjala til undirritunar“ – smelltu á hnappinn „Undirritun“ – Við þetta er málinu lokið.

Hægt er að skoða hvort skráning hafi tekist með því að fara á vef Ríkisskattstjóra (www.rsk.is), smella á „Fyrirtækjaskrá“ efst á síðunni og skrifa inn annað hvort nafn eða kennitölu viðkomandi félags til að kanna stöðu raunverulegra eigenda. Ef ekkert nafn er þar má vera að stjórnarmenn eða aðrir viðkomandi eigi eftir að staðfesta skráninguna. 

Ef þið verðið vör við að opinber skráning, þ.e. lögheimili, stjórn, framkvæmdastjórn eða prókúruhafi félags er ekki rétt – þá er gott að senda RSK meðfylgjandi eyðublöð sem hér er í viðhengi til að breyta því.

 

Allar frekari upplýsingar og leiðbeiningar veitir RSK í síma 442-1000.