Hver erum við?

Ungmennafélag Íslands er landssamband ungmennafélaga. UMFÍ var stofnað á Þingvöllum 2. ágúst 1907. Innan UMFÍ eru 28 sambandsaðilar. Félögin eru 460 og félagsmenn rúmlega 300 þúsund.

Hvað gerum við?

UMFÍ er þjónustu- og samræmingaraðili fyrir sambandsaðila og aðildarfélög UMFÍ. UMFÍ leggur áherslu á fagleg vinnubrögð, jákvæð samskipti og samstarf með sameinaða krafta að leiðarljósi.

Hvernig gerum við það?

UMFÍ leggur áherslu á bætta lýðheilsu, að vinna að líkamlegum, andlegum og félagslegum þroska félagsmanna ásamt virðingu fyrir umhverfi og náttúru landsins.

Fréttir

06. desember 2019

Nýtt Ungmennaráð UMFÍ tekið við

Nýtt Ungmennaráð UMFÍ kom saman í fyrsta sinn í þjónustumiðstöð UMFÍ í gærkvöldi. Ráðið er skipað tíu ungmennum á aldrinum 16 – 25 ára og koma þau víðs vegar af landinu. Hlutverk ráðsins er m.a. að fara með mál og verkefni í umboði stjórnar UMFÍ og vera ungmennafélagshreyfingunni til ráðgjafar.

Lesa meira
05. desember 2019

Dagur sjálfboðaliða í dag

Til hamingju með daginn! Í dag er nefnilega Alþjóðlegur dagur sjálfboðaliða. Innan aðildarfélaga UMFÍ starfa hundruð sjálfboðaliða sem leggja á sig ómælda vinnu til hagsbóta fyrir samfélagið. UMFÍ fagnar degi sjálfboðaliðans og færir öllum sjálfboðaliðum þakklæti fyrir þeirra óeigingjarna starf.

Lesa meira
04. desember 2019

Unglingalandsmótið er frábærasta forvörnin

„Þetta er einhver frábærasta forvörn sem fundin hefur verið upp“ segir Guðríður Aadnegard, formaður HSK, í samtali við Morgunblaðið um Unglingalandsmót UMFÍ. Á mótinu stendur til að hafa skógarhlaup fyrir alla fjölskylduna og taka rafíþróttir inn í það í meiri mæli en áður.

Lesa meira
03. desember 2019

Kvittað upp á Unglingalandsmót UMFÍ á Selfossi 2020

Bæjarstjóri Árborgar og formenn UMFÍ og HSK skrifuðu í gærkvöldi undir samning um Unglingalandsmót UMFÍ sem haldið verður á Selfossi um verslunarmannahelgina 2020. Haukur Valtýsson, formaður UMFÍ, segir mótið góða forvörn enda þar lögð áhersla á samveru fjölskyldunnar um verslunarmannahelgina.

Lesa meira
02. desember 2019

Guðmundur fékk ask og klementínu

Guðmundur L. Gunnarsson, framkvæmdastjóri Fjölnis, fékk í dag loksins afhentan askinn góða. Eins og kunnugt er var Guðmundur valinn matmaður sambandsþings UMFÍ á síðasta þingi að Laugarbakka í Miðfirði í október. Guðríður Aadnegard, formaður HSK, afhenti Guðmundi askinn.

Lesa meira
29. nóvember 2019

Hjördís Gunnlaugsdóttir: Alltaf jafn mikið ævintýri að vera sjálfboðaliði

Án fjölda sjálfboðaliða væri nær ómögulegt að halda flesta stærri viðburði UMFÍ. Sjálfboðaliðar sinna fjölbreyttum verkefnum og ganga í öll verk, stór og smá, með bros á vör. Hjördís Gunnlaugsdóttir er einn þeirra fjölmörgu sjálfboðaliða hér á landi sem vinnur á bakvið tjöldin.

Lesa meira
Fréttasafn

Tölur úr hreyfingunni

94

Um 94% Íslendinga eru meðlimir í UMFÍ. Félagsmenn eru um 300 þúsund.

Innan UMFÍ eru 47% konur og 53% karlar

99

99% gesta á Unglingalandsmóti 2019 mæla með því við aðra.

Flýtileiðir

Verkfærakista UMFÍ

Netnámskeið í barnavernd

Hvernig á að bregðast við #metoo

Myndasafn UMFÍ