Danskir dagar í hreyfingunni

Charlotte Bach Thomassen, formaður dönsku landssamtakanna DGI (Danske gymnastik- og idrætsforeninger), og Jens Otto Størup, framkvæmdastjóri DGI, standa fyrir opnum fundi um stöðu íþrótta, hreyfingar og lýðheilsu í Danmörku og áskoranir og tækifæri. 

Fundurinn verður laugardaginn 14. mars á milli klukkan 13:00 - 15:00. 

Umræðuefni í stuttu máli:

• Hvernig hefur samstarf DGI og DIF mótast í gegnum árin?
• Hvernig leiddi lýðheilsuverkefnið Bevæg dig for livet til þess að fleiri Danir hreyfa sig nú en áður?
• Hvernig tókst íþróttahreyfingunni að fá átta ráðuneyti til að sameinast um íþróttamál?
• Áherslur í stefnumótun íþróttahreyfingarinnar í Danmörku í 10 ár.
• Áskoranir og tækifæri í íþróttahreyfingunni fram undan.

Fundurinn fer fram í þjónustumiðstöð UMFÍ á þriðju hæð Íþróttamiðstöðvarinnar við Engjaveg 6 í Reykjavík.

Þau sem vilja geta tekið  þátt í fundinum á Teams geta óskað eftir því á netfangið umfi@umfi.is.