Mótaskrá komin út
Mótaskrá Landsmóts UMFÍ 50+ í Fjallabyggð er komin út. Þetta er skráin sem þátttakendur og gestir mótsins geta haft gagn af að hafa í vasanum og símanum meðan á móti stendur. Í mótsskránni er dagskrá mótsins, skemmtilegar upplýsingar um allar greinar, myndir frá fyrri mótum, helstu spurningum svarað og ýmislegt fleira sem boðið er upp á í Fjallabyggð.
Þátttakendur fá prentaða útgáfu mótaskrárinnar afhenta í þjónustumiðstöðvum mótsins á Siglufirði og Ólafsfirði. Miðstöðin opnar á Ólafsfirði fimmtudaginn 26. júní klukkan 17:00 og verður hún opin til klukkan 22:00. Þjónustumiðstöðin opnar svo aftur klukkan 8:00 á föstudag og á Ólafsfirði klukkan 17:00.
Í mótaskránni svara Gunnar Þór Gestsson, varaformaður UMFÍ, Óskar Þórðarson, formaður UÍF, og Þórir Hákonarson, bæjarstjóri Fjallabyggðar, ýmsum spurningum og segja frá mótinu í sveitarfélaginu.
Landsmót UMFÍ 50+ hefst með keppni í boccía í íþróttahúsinu á Siglufirði á föstudagsmorgun klukkan 9:00. Gert er ráð fyrir því að keppnin standi til klukkan 18:00.
UMFÍ heldur mótið ásamt Ungmenna- og íþróttasambandi Fjallabyggðar (UÍF) og sveitarfélaginu Fjallabyggð.
Hér er hægt að nálgast mótaskránna alla:
