Næstu fundir í stefnumótun um allt land
Áfram heldur vinna við stefnumótun hreyfingarinnar. Á síðustu vikum hefur verið unnið úr því efni sem þegar liggur fyrir. Á litlum vinnustofum höfum við hitt fulltrúa hreyfingarinnar og fjölmargra hagaðila þar sem unnið hefur verið að gagnaöflun og hugmyndir af ýmsu tagi.
Óhætt er að segja að þessar vinnustofur hafi verið afar gagnlegar. Nú verður unnið úr því efni sem þegar liggur fyrir til að undirbúa frekari rýni, umræður og þróun hvað varðar markmiðasetningu undir ólíkar stoðir starfseminnar.
Þegar talað er um ólíkar stoðir í starfi hreyfingarinnar er vísað í þá þrískiptingu sem byggir á grasrótarstarfi, afreksstarfi og samfélagsverkefnum. Vissulega er mikil skörun í þessum stoðum og margt sem tengist. Niðurstaða okkar var að gagnlegt væri að nálgast málið með þessum hætti í ferlinu.
Nú er komið að því að taka næsta skref í vinnunni og fá stærri hópa til að koma að þessum fyrsta hluta í vinnunni, taka þátt í að skilgreina hlutverkið og ákveða markmiðin. Til að tryggja aðkomu sem flestra að ferlinu höfum við stillt upp fundum um allt land. Jafnframt verður boðið uppá fundi á Teams fyrir þau sem ekki geta tekið þátt í staðfundum.
Yfirlit yfir fundarstaði og tímasetningar má sjá hér fyrir neðan. Þar má líka finna hlekk á skráningarform fyrir fundina. Við biðja alla sem sjá sér fært að taka þátt í fundunum að skrá sig á viðeigandi fund með nafni og netfangi. Athugið að hver fundur gæti staðið yfir í eina og hálfa klukkustund. Það er reyndar vel í lagt og ekki víst að fundirnir verði svo langir.
Fyrir þau sem vilja undirbúa sig fyrir fundina bendum við á að umræðan mun fyrst og fremst snúa að hlutverki hreyfingarinnar og markmiðum sem því tengjast. Við höfum lýst því þannig að við erum að spyrja: „hvað” en ekki „hvernig”, og veltum því upp hver stóru markmiðin eru sem við ætlum að ná.
Síðar ræðum við og rýnum um það hvernig við getum sem best náð þessum markmiðum. Þá ræðum við aðstöðu, skiptingu fjármagns o.s.frv. Hver ættu lykilmarkmið hreyfingarinnar að vera þegar kemur að grasrótarstarfi, afrek og samfélagsmálum (lýðheilsu, forvarnir o.s.frv)?
Við vonumst til að sjá sem allra flest á fundunum allt land. Það er mikils virði og gerir alla vinnuna skilvirkari þegar raddir flestra heyrist og ólík sjónarmið eru lögð á borðið.
Tökum öll þátt í vinnunni!
Skráning hér:
Fundarstaðir og fundartímar:
- Fjarfundur á Teams / Mán. 2. mars kl. 17:00-18:30
- Fjarfundur á Teams / Mið. 4. mars kl. 18:00-19:30
- Austurland / Fim. 5. mars kl. 19:00 – 21:00 Sláturhúsið Egilssstöðum
- Höfuðborgarsvæðið / Mán. 9. mars kl. 15:00 – 17:00 Íþróttamiðstöðin Laugardal
- Höfuðborgarsvæðið / Mið. 11. mars kl. 17:00 – 19:00 Íþróttamiðstöðin Laugardal
- Suðurnes / Mán. 16. mars kl. 17:00 – 19:00 Íþróttahúsinu Sunnubraut í Reykjanesbæ
- Suðurland / Þri. 17. mars kl. 17:00 – 19:00 Stracta Hótel á Hellu
- Norðurland vestra / Mán. 23. mars kl. 17:00 – 19:00 Fjölbrautaskóli NV á Sauðarkróki
- Norðurland eystra / Þri. 24. mars kl. 16:30 – 18:30 Íþróttahöllin á Akureyri
- Vesturland / Fim. 9. apríl kl. 18:00 – 20:00 Hótel Vesturland í Borgarnesi
- Vestfirðir / Lau. 11. apríl kl. 14:00 – 16:00 Menntaskólinn á Ísafirði