Opið fyrir umsóknir í Hvatasjóð í þriðja sinn

Opið er fyrir umsóknir í Hvatasjóð íþróttahreyfingarinnar. Þetta er þriðji umsóknarfrestur ársins. 

Hvatasjóðurinn styrkir verkefni sem stuðla að útbreiðslu íþróttastarfs og þátttöku allra barna. Sérstök áhersla er á verkefni sem tengjast börnum með fatlanir, börnum frá tekjulægri heimilum og börnum með fjölbreyttan menningar- og tungumálabakgrunn.

Í Hvatasjóð íþróttahreyfingarinnar geta eftirtaldir aðilar innan ÍSÍ og UMFÍ sótt um: 1) íþróttahéruð 2) íþróttafélög og/eða deildir þeirra 3) sérsambönd í samstarfi við íþróttahéruð, félög og/eða deildir félaga.

Frestur til að skila inn umsóknum er til og með til miðnættis 15. október næstkomandi.

Hvatasjóður íþróttahreyfingarinnar er sjóður á vegum ÍSÍ og UMFÍ með stuðningi Mennta- og barnamálaráðuneytis.

 
Ítarlegri upplýsingar um Hvatasjóðinn