Fleiri í hverju liði í grasblaki
Við vekjum athygli á því að breyting hefur verið gerð í grasblaki. Nú getur hvert lið í grasblaki verið skipað sex þátttakendum og mega fjórir vera inni á vellinum í einu í stað tveggja inni á vellinum. Þetta gerir leikinn miklu hraðari, enn meira spennandi og gríðarlega hressandi.
Við hvetjum því þátttakendur sem hafa stofnað blaklið til þess að láta vini vita svo þau geti stækkað liðið – eða látið okkur vita að vantar í liðið. Eitt lið hafði einmitt samband og voru liðsfélagarnir ofsa spenntir fyrir því að fá ný andlit inn í liðið.
Eruð þið búin að skrá ykkur í grasblak?
Meira en 20 greinar
Grasblak er aðeins ein af rúmlega 20 íþróttagreinum sem boðið er upp á á Unglingalandsmóti UMFÍ á Egilsstöðum um verslunarmannahelgina.
Látið aðra vita af mótinu og grasblakinu og komið inn með öflugt lið. Þið getið líka skráð ykkur í kökuskreytingar, knattspyrnu og pílu. Eða eitthvað af öllu úrvalinu.
Er vesen á skráningunni? Hér eru leiðbeiningar:
Smella hér: Hvernig skrái ég mig í greinar?
Sjáumst á Unglingalandsmóti UMFÍ!
