Kynning á frambjóðendum til stjórnar
Jóhann Steinar Ingimundarson, formaður UMFÍ, verður sjálfkjörinn á 54. Sambandsþingi UMFÍ um næstu helgi. Ljóst er að nokkur endurnýjun verður í stjórn UMFÍ því ellefu eru í framboði til setu í stjórn og enn sem komið er tveir í framboði til varastjórnar. Að loknu kjöri til stjórnar geta þau sem ekki ná kjöri í stjórn tekið ákvörðun um að bjóða sig fram til setu í varastjórn.
Stjórn UMFÍ er skipuð sjö einstaklingum: Formanni, varaformanni, gjaldkera, ritara og þrem meðstjórnendum.
Varastjórn er skipuð fjórum fulltrúum og ræður atkvæðafjöldi þeirra í kosningu röð þeirra.
Frestur til að tilkynna framboð til formanns, stjórnar og/eða varastjórnar UMFÍ rann út 30. september síðastliðinn. Eftirfarandi framboð bárust kjörnefnd UMFÍ áður en framboðsfrestur rann út.
Frambjóðendur munu kynna sig á Sambandsþingi UMFÍ og fá til þess þrjár mínútur hver.
Gengið verður til kosninga síðdegis á laugardag, 11. október næstkomandi.
Hér er hægt að kynna sér frambjóðendur til stjórnar betur:
Í framboði eru eftirfarandi:
Til formanns UMFÍ:
Jóhann Steinar Ingimundarson - Ungmennasambandi Kjalarnesþings (UMSK).
Til aðalstjórnar UMFÍ:
- Birgir Már Bragason – Íþróttabandalag Reykjanesbæjar (ÍRB).
- Guðmundur Sigurbergsson – Ungmennasamband Kjalarnesþings (UMSK).
- Guðný Stefanía Stefánsdóttir – Héraðssamband Vestfjarða (HSV).
- Gunnar Gunnarsson – Ungmenna- og íþróttasamband Austurlands (UÍA).
- Halla Margrét Jónsdóttir – Íþróttabandalag Akraness (ÍA).
- Helgi Sigurður Haraldsson – Héraðssambandið Skarphéðinn (HSK).
- Margrét Sif Hafsteinsdóttir – Íþróttabandalag Reykjavíkur (ÍBR).
- Ragnheiður Högnadóttir – Ungmennasamband Vestur-Skaftafellssýslu (USVS).
- Sigurður Eyjólfur Sigurjónsson – Ungmennasamband Vestur-Skaftafellssýslu (USVS).
- Sigurður Óskar Jónsson – Ungmennasambandið Úlfljótur (USÚ).
- Skúli Bragi Geirdal – Íþróttabandalag Akureyrar (ÍBA).
Til varastjórnar UMFÍ:
- Ásgeir Sveinsson – Héraðssambandið Hrafna-Flóki (HHF).
- Gunnar Þór Gestsson – Ungmennasamband Skagafjarðar (UMSS).