Stendur fyrir ókeypis kynningu á göngufótbolta
Göngufótbolti er íþrótt sem byggir á því að sem flestir geti tekið þátt í og blómstrað. Rúnar Már Sverrisson, umsjónarmaður göngufótbolta hjá Þrótti og nefndarmaður í Grasrótarnefnd Knattspyrnusambands Íslands (KSÍ), stendur fyrir kynningu á greininni, fræða um ávinning hennar og sýna hvernig auðvelt er að byggja upp hóp sem hentar bæði byrjendum og þeim sem vilja halda áfram að hreyfa sig á sínum forsendum.
Rannsóknir sýna einmitt að regluleg iðkun göngufótbolta styrkir bein, eykur beinmassa og getur lækkað blóðþrýsting – en ekki síður skiptir máli að hann styrkir félagsleg tengsl og skapar rými fyrir samveru og vellíðan.
Hvar og hvenær?
Fimmtudaginn 15. janúar frá kl. 11:00–12:00 frítt á Teams.
Þjálfarar með KSÍ/UEFA þjálfaragráðu fá tvö endurmenntunarstig, gegn því að svara tveimur spurningum úr fyrirlestrinum.
Athugið að fyrirlesturinn fer eingöngu fram á Teams. Hlekkur verður sendur út 13. janúar. Þau sem ekki komast geta óskað eftir upptöku og spurningum í tölvupósti eftir viðburðinn.