Vertu með!

UMFÍ auglýsir eftir fulltrúum í nefndir til næstu tveggja ára fyrir árin 2025 – 2027. Fulltrúar allra sambandsaðila UMFÍ og þeirra 480 félaga um allt land sem aðild eiga að UMFÍ geta sent tilnefningar.

Fólk sem sæti á í nefndum hefur áhrif á starf UMFÍ á vettvangi nefndarstarfsins, fræðslumála, mótað viðburði og mót, umgjörð um starf skólabúða, heiðursviðurkenningar og margt fleira.

Nefndirnar eru skipaðar í framhaldi af sambandsþingi UMFÍ, sem fram fór í Stykkishólmi um miðjan október. 

Nefndirnar eru:

• Fjárhags- og greiningarnefnd
• Fræðslunefnd
• Heiðursráð 
• Laganefnd
• Móta- og viðburðanefnd
• Skólabúðanefnd
• Ungmennaráð UMFÍ
• Upplýsingatækninefnd
• Útgáfu- og kynningarnefnd
• Úthlutunarnefnd sjóða
• Þrastaskógarnefnd

Áhugasöm sendi póst á umfi@umfi.is fyrir nánari upplýsingar eða fyrir fulltrúa í einhverja af nefndum UMFÍ. Frestur til að senda inn nöfn fulltrúa í nefndir er til 6. nóvember næstkomandi.