Hver erum við?

Ungmennafélag Íslands er landssamband ungmennafélaga. UMFÍ var stofnað á Þingvöllum 2. ágúst 1907. Innan UMFÍ eru 27 sambandsaðilar. Félögin eru 480 og félagsmenn rúmlega 290 þúsund.

Hvað gerum við?

UMFÍ er þjónustu- og samræmingaraðili fyrir sambandsaðila og aðildarfélög. UMFÍ leggur áherslu á fagleg vinnubrögð, jákvæð samskipti og samstarf með sameinaða krafta að leiðarljósi.

Hvernig gerum við það?

Nálgun UMFÍ er tvíþætt. Annars vegar styrkir UMFÍ sambandsaðila og aðildarfélög og veitir ráðgjöf. Hins vegar stendur UMFÍ fyrir eigin viðburðum og verkefnum í samræmi við stefnu UMFÍ.

Fréttir

08. júní 2023

Gunnhildur er nýr framkvæmdastjóri HSH

„Ég er alin upp á héraðsmótum, sundmótum, á íþróttavellinum á Lýsuhóli. Þess vegna sé ég heilmikil tækifæri fyrir okkur á sambandssvæðinu,“ segir Gunnhildur Gunnarsdóttir, sem nýverið var ráðin framkvæmdastjóri Héraðssamband Snæfellsness og Hnappadalssýslu (HSH).

Lesa meira
05. júní 2023

Hitta gamla mótherja í Stykkishólmi

Landsmót UMFÍ 50+ fer fram í Stykkishólmi um Jónsmessuna. Mótið hefur verið haldið í meira en áratug og fólk yfir miðjum aldri af öllu landinu tekið þátt í fjölbreyttri íþróttakeppni og prófað ýmsar íþróttagreinar. Jóhann Steinar Ingimundarson er formaður UMFÍ og ræddi um mótið í Garðapóstinum.

Lesa meira
02. júní 2023

Skil á starfsskýrslum lengd til 15. júní

„Skýrsluskil eru aðeins hægari nú en í fyrra. Það skýrist líklega af því að ekki hafa öll félög haldið aðalfundi og ársreikningar ekki tilbúnir,“ segir Elías Atlason, umsjónarmaður með starfsskýrsluskilum íþróttahéraða og íþróttafélaga þar undir. Skil á skýrslum eru til 15. júní.

Lesa meira
02. júní 2023

Óskar endurkjörinn formaður UÍF

Óskar Þórðarson var endurkjörinn formaður Ungmenna- og íþróttasambands Fjallabyggðar (UÍF) á ársþingi sambandsins sem haldinn var á Ólafsfirði á miðvikudag. Ágætlega var mætt á þingið eða 22 þingfulltrúar af 31. Haukur Valtýsson, fyrrverandi formaður UMFÍ, var gestur þingsins fyrir hönd UMFÍ.

Lesa meira
01. júní 2023

Aðalfundur Æskulýðsvettvangsins

Aðalfundur Æskulýðsvettvangsins fór fram í dag. Þetta var hefðbundinn fundur sem haldinn var í húsnæði KFUM og KFUK við Holtaveg í Reykjavík. Tómas Ingi Torfason, framkvæmdastjóri félagasamtakanna og formaður Æskulýðsvettvangsins, bauð gesti velkomna.

Lesa meira
01. júní 2023

Guðrún og fjölskylda er spennt fyrir landsmótinu

„Við erum mjög spennt fyrir mótinu í bænum. Hér verður fullt af fólki í bænum og mikið í boði, bæði viðburðirnir í kringum Landsmót UMFÍ 50+ og Danska daga,“ segir Guðrún Björg Guðjónsdóttir, íbúi í Stykkishólmi.

Lesa meira
Fréttasafn

 

Hagnýtir hlekkir

Sakavottorð - eyðublað

Viðbragðsáætlun

Skilakerfi íþróttahreyfingarinnar

Myndasafn UMFÍ