46. Sambandsráðsfundur 2026
Sambandsráð UMFÍ er æðsta vald í málefnum UMFÍ á milli Sambandsþinga. Sambandsráð er skipað formönnum sambandsaðila UMFÍ eða varamönnum þeirra, ásamt stjórn UMFÍ eða varamönnum hennar.
Stjórn skal boða skriflega til sambandsráðsfundar með a.m.k. 4 vikna fyrirvara og skal hann haldinn fyrir 15. nóvember það ár sem sambandsþing UMFÍ er ekki haldið.
46. Sambandsráðsfundur UMFÍ verður haldinn að Hótel Ísafirði laugardaginn 10. október 2026 klukkan 10:00.
Hagnýtar upplýsingar
-
Rúta fer föstudaginn 9. október kl. 09:00 frá þjónustumiðstöð UMFÍ, Engjavegi 6, 104 Reykjavík. Á leiðinni vestur verður stutt stopp í Borgarnesi og matarhlé á Hólmavík.
Rútubókin – Á vesturleiðinni
Til að stytta stundirnar á leiðinni höfum við útbúið rútubók sem heitir Á vesturleiðinni. Í henni eru lög til að syngja saman, spurningaleikur til að brjóta ísinn og rútubingó fyrir þau sem fylgjast með út um gluggann.
Rútubókin (með hlekkjum á lög)
Rútubókina (með textum ef internetið klikkar...)
Nú er lag að hafa ungmennafélagsandann með í för. Því það er gaman að hafa gaman!
-
Starfsemi UMFÍ er afmörkuð út frá lögum UMFÍ.
Lög UMFÍ voru uppfærð og samþykkt á 54. Sambandsþingi UMFÍ 2025 í Stykkishólmi.
SKOÐA LÖG UMFÍ -
Samkvæmt 10. grein laga UMFÍ skulu verkefni Sambandsráðsfundar vera:
- Ræða skýrslur næstliðins árs.
- Afgreiða reikninga liðins árs, sem skulu áritaðir af löggiltum endurskoðanda.
- Greiði einhver fulltrúi á sambandsráðsfundi atkvæði gegn því að reikningar séu samþykktir, þá skulu þeir lagðir fyrir næsta Sambandsþing til afgreiðslu.
- Afgreiða fjárhagsáætlun næsta árs.
- Ræða viðfangsefni UMFÍ milli þinga.
-
Kl. 10:00 Fundarsetning
Kosning starfsmanna fundarins
- Fundarstjóri
- Fundarritari
Yfirlit yfir störf frá síðasta þingi
- Skýrsla stjórnar
- Reikningar lagðir fram
- Umræður
- Afgreiðsla reikninga
Mál lögð fyrir fundinn
- Tillögur frá stjórn
- Tillögur frá sambandsaðilum
- Umræður
Kl. 12:30 Hádegishlé
Hvatningarverðlaun
Stefnumótun
Umræður og afgreiðsla mála
Kl. 16:00 Fundarslit
Um kvöld
Ísafjarðarbær býður til móttöku í stjórnsýsluhúsinu kl. 18:30. Í framhaldinu býður UMFÍ til kvöldverðar á Hótel Ísafirði kl. 20:00.
Prentvæn dagskrá (pdf).