Hver erum við?
Ungmennafélag Íslands er landssamband ungmennafélaga. UMFÍ var stofnað á Þingvöllum 2. ágúst 1907. Innan UMFÍ eru 26 sambandsaðilar. Félögin eru 450 og eru það öll íþrótta- og ungmennafélög á Íslandi. UMFÍ skapar aðstæður þar sem gleði og samvinna eflir íþrótta- og æskulýðsstarf um allt land.
Lesa meiraSambandsaðilar
26
Félög
450
Félagsmenn
290.000
Fréttir
20. janúar 2026
Móta leiðarvísi fyrir erfiðar ákvarðanir
Er hægt að vísa hverjum sem er úr íþróttafélagi? Brottvísun er erfið og krefjandi. Stjórnir íþrótta félaga fá á næstunni skýrar leiðbeiningar frá ÍSÍ um verklag þegar til stendur að taka erfiða ákvörðun.
15. janúar 2026
Hvað finnst þér um Skinfaxa?
UMFÍ stendur þessa dagana fyrir stuttri könnun um lestur tímaritsins Skinfaxa og hvetur lesendur til þátttöku. Markmiðið er að bæta efni blaðsins og þróa það áfram í takt við óskir lesenda. Þátttakendur geta veitt endurgjöf, gefið einkunnir og komið með hugmyndir. Allir hvattir til að taka þátt.
14. janúar 2026
Framlög og styrkir fyrir tæpa 1,3 milljarða
Frá því lög um skattafrádrátt vegna framlaga til almannaheillafélaga tóku gildi í lok árs 2021 hefur fjárstreymi til íþróttafélaga í formi styrkja vaxið hratt. Fyrsta heila árið námu þeir 241 milljón króna. Í fyrra var upphæðin komin í 547 milljónir. Fjallað er um málið í nýjasta tölublaði Skinfaxa.
Siðareglur og samskiptaráðgjafi
Siðareglur
Mikilvægt er fyrir öll sem starfa með börnum og ungmennum að vera meðvituð um skyldur sínar og ábyrgð. Siðareglur þessar gilda fyrir allt starfsfólk og sjálfboðaliða Æskulýðsvettvangsins. Gerist aðili brotlegur við reglurnar er heimilt að vísa honum úr starfi, tímabundið eða að fullu.
Samskiptaráðgjafi
Einelti, áreitni og ofbeldi í hvers kyns mynd er ekki liðið innan skipulags íþrótta- eða æskulýðsstarfs. Markmiðið með starfsemi samskiptaráðgjafa er að stuðla að því að starfið fari fram í öruggu umhverfi og að fólk geti leitað aðstoðar eða réttar síns án þess að þurfa að óttast afleiðingarnar.
