01. ágúst 2025
Mætum öll á setninguna í kvöld!
Unglingalandsmót UMFÍ verður sett á Vilhjálmsvelli í kvöld, föstudagskvöldið 1. ágúst kl. 20:00. Allir þátttakendur taka þátt í setningunni.
Hópurinn hittist kl. 19:30 á æfingasvæðinu við Vilhjálmsvöll. Þar raða allir þátttakendur sér upp með sínu íþróttahéraði og ganga síðan saman inn á svæðið. Systkini, foreldrar og öll sem vilja eru velkomin í skrúðgönguna.
Strax klukkan 21:00 eftir setninguna tekur við fjölskyldufjör um allt mótssvæði Egilsstaða til klukkan 23:00.
Fjölskyldufjörið verður svona:
- Badminton LED í Íþróttamiðstöðinni.
- Körfuboltapartý við Egilsstaðaskóla.
- Blindabolti á gervigrasvellinum við Egilsstaðaskóla.
- Tónlist verður í Tjarnargarðinum.
- Ringó verður í boði á Vilhjálmsvelli ásamt frjálsum íþróttum fyrir alla fjölskylduna.
- Frisbígolf í Tjarnargarði
- Dans og diskó í félagsmiðstöðinni.
Hægt verður að skoða allt það sem í boði er í dagskrá mótsins.