18. - 20. september 2026

Ungt fólk og lýðheilsa

Velkomin á Ungt fólk og lýðheilsu 2026

Ungmennaráðstefnan Ungt fólk og lýðheilsa fer fram dagana 18.–20. september 2026 að Reykjum í Hrútafirði.

Yfirskrift ráðstefnunnar í ár er Blómstrum. Styrkjumst. Tengjumst.
Hún vísar til þess hvernig við getum eflt andlega, líkamlega og félagslega heilsu okkar í heimi þar sem áreiti, hraði og skjánotkun hafa sífellt meiri áhrif á daglegt líf.

Á ráðstefnunni fá þátttakendur tækifæri til að staldra við, skoða eigin líðan og átta sig á því hvað nærir þau og hvað dregur úr orku. Í gegnum vinnustofur, samtal og samveru er unnið með sjálfsmynd, lífsstíl og tengsl – bæði í stafrænum heimi og utan hans.

Markmið ráðstefnunnar er að styrkja ungt fólk til að hafa áhrif á eigið líf og sitt nærsamfélag. Þátttakendur öðlast aukið sjálfstraust, læra að koma skoðunum sínum á framfæri og mynda tengsl sem geta haft áhrif til framtíðar.

Dagskráin verður fjölbreytt að vanda: hópefli og samvera, áhugaverðir fyrirlestrar, hvetjandi vinnustofur og samtal við ráðafólk. Einnig verður boðið upp á kvöldvökur og ýmis skemmtilegheit sem skapa sterka heildarupplifun.

Takmarkaður fjöldi

Fjöldi þátttakenda er takmarkaður og því hvetjum við áhugasöm til að skrá sig tímanlega.

Starfsfólk ungmennaráða, félagsmiðstöðva, íþróttahéraða og íþróttafélaga er hvatt til að koma með þátttakendum yngri en 18 ára. Ráðstefnan er einnig góður vettvangur fyrir starfsfólk til að kynnast, bera saman reynslu og eiga samtal um starf með ungu fólki.

Ef ungmenni mæta á eigin vegum getur starfsfólk UMFÍ verið ábyrgðaraðili, að því gefnu að foreldrar eða forráðafólk veiti samþykki og undirriti þar til gert eyðublað.

Viðburðurinn er alfarið vímuefnalaus, þar á meðal hvað varðar rafsígarettur og nikótínpúða.

Skráning

Þátttökugjald er 15.000 kr. fyrir hvern þátttakanda. Innifalið er gisting í tvær nætur, máltíðir yfir helgina, hressing, ráðstefnugögn og ferðir að mestu eða öllu leyti.

Rútur fara frá Reykjavík og Akureyri á föstudegi og til baka á sunnudegi, sem þátttakendur eru hvattir til að nýta sér. Hægt er að sækja um styrk fyrir ferðakostnaði ef rútan nýtist ekki.

Við hvetjum áhugasöm til að skrá sig tímanlega svo hægt sé að ganga frá ferðatilhögunum í tæka tíð.

Skráning stendur til 8. september, eða þar til uppselt verður.

Ráðstefnan er styrkt af Erasmus+.

Smelltu hér til þess að skrá þig!

Skráning er hafin og stendur til 8. september. Fjöldi er takmarkaður svo fyrirhyggja er best! Athygli er vakin á því að UMFÍ nýtir netföng sem skráð eru í umsókn til þess að koma á framfæri upplýsingum um viðburðinn. Með skráningunni gefa þátttakendur heimild fyrir því að nýta þær myndir og myndbönd sem kunna að vera teknar á viðburðinum og nýta þær í útgáfustarfsemi UMFÍ á hvaða formi sem það kann að vera. UMFÍ tryggir ekki einstaklinga á viðburðinum.

Smelltu hér til þess að skrá þig!

Dagskrá

Föstudagur

TÍMI

DAGSKRÁRLIÐUR