Hljóp upp tröppurnar á Nafirnar í inniskóm

Kynslóðirnar kepptu saman að því að ná besta tímanum í tröppuspretti á Unglingalandsmótinu í dag en þátttakendur voru frá 5 ára aldri og upp í 64. Tröppurnar upp snarbrattan stiga upp á Nafirnar ofan við íþróttasvæðið eru 163 talsins eða næstum jafnmargar þátttakendunum, sem voru 143. 

Góðan tíma átti átti Skagfirðingurinn Björn Margeirsson og var hann 22,15 sekúndur upp tröppurnar. Björn er ekkert unglamb en hann er 47 ára gamall. Hann er hins vegar ekki að stíga sín fyrstu skref á hlaupabrautinni því hann hefur sett 27 Íslandsmet í hlaupum. Þar af eru 14 enn virk, samkvæmt Afrekaskrá Frjálsíþróttasambandsins (FRÍ). 

Sprettir virðast liggja vel við fjölskyldu Björns en bróðir hann, Sveinn Margeirsson, er formaður FRÍ.

Björn vann hins vegar ekki hlaupið. Það gerði Haukur Skúli Óttarsson, sem er 15 ára og fór upp tröppurnar á 21,73 sekúndum. Pabbi hans, hljóp þær á 26 sekúndunum og bróðir hans á 48,62. 

Margeir Björnsson, sonur Björns, tók líka þátt í hlaupinu á eftir föður sínum. 

Nokkrir hlauparar áttu stórleik í tröppuhlaupinu. Þar á meðal voru það bræðurnir Gauti, sem er tíu ára, Skúli, sjö ára bróðir hans, og Gústaf sem er níu ára. Gauti hljóp sprettinn á Crocs-skóm og náði ekki meti. Þeir frændu tóku hins vegar vel á móti honum. 

Fleiri hlupu upp tröppurnar í skótaui sem frekar við innandyra, eins og sjá má á einni af myndunum sem hér fylgir. 

Leiðrétting: Í upphaflegri umfjöllun af tröppuhlaupinu sagði að Björn Margeirsson hafi átt besta tímann. Það er náttúrlega ekki alls kostar rétt og leiðréttist hér með enda var Haukur Skúli töluvert sneggri.