Kvikmyndagerðarmaðurinn Marteinn Sigurgeirsson hefur gert heimildamynd um sögu Landsmóta UMFÍ á HSK-svæðinu. Hann segir mikilvægt að fanga söguna í mynd svo hún gleymist ekki.
Stjórn UMFÍ hefur ákveðið að Landsmótið verði haldið á nýjan leik í júlí árið 2020. Það felur í sér að í upphafi árs 2019 verður skipuð nefnd sem mun hefja undirbúning Landsmótsins. Mikil ánægja var með mótið sem haldið var á Sauðárkróki í sumar.
Indrek Saar, menntamálaráðherra Eistlands, fundaði með Auði Ingu Þorsteinsdóttur, framkvæmdastjóra UMFÍ, í dag. Hún fræddi hann um UMFÍ og stöðu UMFÍ og ungmennafélaganna í íþróttalífi Íslendinga. Saar var sérstaklega áhugasamur um áskorarnir sem íþróttafélögin standa frammi fyrir á næstu árum.
Nýjasta tölublað Skinfaxa, tímarits UMFÍ, er komið út. Blaðið er í dreifingu til áskrifenda og sambandsaðila UMFÍ um allt land. Forsíðu blaðsins prýðir Róbert Khorchai, frjálsíþróttamaður úr ungmennafélaginu Þór í Þorlákshöfn. Unglingalandsmót UMFÍ verður einmitt haldið þar um verslunarmannahelgina.
„Landsmótið á Sauðárkróki var sannkölluð íþróttaveisla. Við tókum stóra ákvörðun um að breyta Landsmótinu sem hafði verið haldið í meira en 100 ár í nánast óbreyttu formi. Það var frábært að sjá og heyra viðbrögð fólks við breytingunni, “ segir Auður Inga Þorsteinsdóttir, framkvæmdastjóri UMFÍ.
Ásthildur Einarsdóttir jurtalæknir tók sig vel út með bogann í keppni í bogfimi í gær. Þetta var í fyrsta sinn sem hún mundaði boga. Það skiptir öllu máli að vera með því hún lenti í 2. sæti í kvennaflokki. Úrslit úr ýmsum greinum er að finna á úrslitasíðu Landsmótsins.
Síðasti dagur Landsmótsins er runninn upp. Þetta hefur verið frábær helgi og vonandi enginn látið rigninguna trufla sig. Gærdagurinn var alveg frábær.
Eyjólfur og Ingibjörg og dóttir þeirra Ragnheiður skelltu sér saman í 65 kílómetra götuhjólreiðar á Landsmótinu á Sauðárkróki í dag. Þau hafa hjólað saman síðan síðastliðin tvö ár. Þeim finnst upplagt að blanda saman útilegu og íþróttum á Landsmótinu.
„Mikilvægt er að fá sem flesta til að hreyfa sig reglulega og hægt og bítandi að fjölga þeim einstkalingum sem gera það, þeim sjálfum og samfélaginu til hagsbóta,“ segir Haukur Valtýsson, formaður Ungmennafélags Íslands (UMFÍ). Þátttakendur í bænum eru á annað þúsund.
Sauðárkrókur hefur verið undirlagður Landsmótinu í dag. Bærinn tók að fyllast af fólki strax í gær á fyrsta degi mótsins. Mótið verður sett með húllumhæi í Aðalgötunni á Sauðárkróki síðdegis í dag og verður grillveisla fram á kvöld.
Vakin er athygli á því að opið er fyrir skráningu í götuhjólreiðar á Landsmótinu til klukkan 19:00 á föstudagskvöld. Þeir sem ná því ekki geta haft samband við Maríu Sæmundsdóttur, sérgreinarstjóra í götuhjólreiðum.
Greiðslumiðlun í samstarfi við UMFÍ hefur útbúið app fyrir síma sem við hvetjum alla til að nýta sér á Landsmótinu. Í appinu er að finna yfirlit yfir alla viðburði mótsins. Appið gerir Landsmótið enn skemmtilegra.
